5 ماۋسىمدا جەزقازعان-قاراعاندى تاس جولىندا 14 جاسار ءجاسوسپىرىمنىڭ جۇرگىزگەن «ۆوسحود» موتوتسيكل مەن Toyota Camry اۆتوكولىگىە سوقتىعىسقان. جول-كولىك وقيعاسى سالدارىنان موتوتسيكلدە وتىرعان 11 جاستاعى بالا قايتىس بولدى.
ال, موتوتسيكل جۇرگىزۋشىسى ءارتۇرلى دەنە جاراقاتىمەن اۋرۋحاناعا جەتكىزىلدى.
اتالعان فاكتى بويىنشا قىلمىستىق كودەكستىڭ 345-بابى 3-تارماعىنا سايكەس قىلمىستىق ءىس قوزعالدى. ءتيىستى ساراپتامالار تاعايىندالىپ, تەرگەۋ امالدارى جۇرگىزىلىپ جاتىر. «سكۋتەر, موپەد جانە موتوتسيكل قازىرگى ۋاقىتتا كامەلەت جاسقا تولماعاندار اراسىندا ەرەكشە قىزىعۋشىلىق تۋدىراتىن كولىك قۇرالىنىڭ ءبىرى. ولار اتالعان كولىكتى جۇرگىزگەندە قاۋىپتى جاعداي تۋرالى وايلامايدى.
كامەلەتكە تولماعانداردىڭ قاۋىپسىزدىگىن اتا-انالارى دا باقىلاۋدا ۇستامايدى. ولار بالالاردىڭ جاسىنا جانە كولىكتى جۇرگىزۋ تاجىريبەسىنە دە ءمان بەرمەيدى. ەگەر, بالالارىڭىزعا زاماناۋي كولىك قۇرالىن ساتىپ اپەرگىلەرىڭىز كەلسە, ولاردىڭ 16 جاسقا تولعانىن كۇتىڭىز. سونداي-اق, بالالاردىڭ قاۋىپسىزدىگى مەن كولىككە مىنەردەگى قاجەتتى جابدىقتارمەن قامتاماسىز ەتىڭىزدەر. ەڭ باستىسى بالالارىڭىزدىڭ جۇرگىزۋ تاجىريبەسىمەن جانە جۇرگىزۋشى كۋالىگىنىڭ بولۋىن قامتاماسىز ەتۋ قاجەت», دەدى قاراعاندى وبلىستىق پوليتسيا دەپارتامەنتىنىڭ باستىعى ەرلان فايزۋللين.
