تاشيەۆتىڭ ايتۋىنشا, كەشە تاجىك تاراپىمەن كەلىسسوزدەر ناتيجەسىز ءوتتى. سوندىقتان قىرعىز بيلىگى وش وبلىسىنىڭ چون-الاي اۋدانىنىڭ بىرنەشە اۋىلىنىڭ تۇرعىندارىن قاۋىپسىز جەرگە ەۆاكۋاتسيالاۋدى ۇيعارعان.
«كەشە ءبىز تاجىكستاننىڭ شەكارا ماڭىنداعى ماسەلەلەر جونىندەگى مەملەكەتتىك كوميسسياسىنىڭ باسشىسى گەنەرال-پولكوۆنيك سايمۋمين ياتيموۆپەن كەلىسسوزدەر جۇرگىزدىك. كەشەگى كەلىسسوزدەر ناتيجەسىز بولدى, سوندىقتان ءبىز تۇرعىنداردى ەۆاكۋاتسيالاۋعا ءماجبۇر بولدىق. بۇگىنگى كەزدەسۋ بىشكەك ۋاقىتى بويىنشا ساعات 13.00-دە اياقتالدى. ماسەلە وڭ شەشىمىن تاپتى دەپ ايتا الامىن. ءبىز بىرلەسىپ 7-8 تارماقتان تۇراتىن حاتتاما قابىلدادىق. ەكى ساعاتتا ولاردى جاريالايمىز», دەدى قامشىبەك تاشيەۆ.
ول قىرعىز اسكەرلەرىن شىعارۋ, سونداي-اق ەۆاكۋاتسيالانعان تۇرعىنداردى ۇيلەرىنە قايتارۋ بويىنشا بۇيرىق شىعاراتىنىن ايتتى.
ء«بىز قول جەتكىزگەن ۋاعدالاستىقتاردى بۇزبادىق جانە الداعى ۋاقىتتا دا بىرلەسىپ قابىلدانعان كەلىسىمدەر شەڭبەرىندە ارەكەت ەتەمىز», دەدى قىرعىزستان مۇقك باسشىسى
