«3 ماۋسىم كۇنى ساعات 21:00-دە ەكىباستۇز قالاسىدا بەركىمباەۆ كوشەسىندەگى 130-ءشى ءۇيدىڭ قارسى بەتىندە «لادا گرانتا» كولىگىن جۇرگىزگەن 45 جاستاعى ەر ادام جاياۋ جۇرگىنشىلەرگە ارنالعان جولدان ءوتىپ بارا جاتقان كامەلەت جاسقا تولماعان قىز بالانى قاعىپ كەتتى», دەپ حابارلادى پاۆلودار وبلىستىق پوليتسيا دەپارتامەنتى جەرگىلىكتى پوليتسيا باسقارماسى قىزمەتىنىڭ باستىعى عالىم سارعۇلوۆ.
جول-كولىك اپاتى سالدارىنان جاراقات العان جاياۋ جۇرگىنشى اۋرۋحاناعا جەتكىزىلدى. كولىك ارنايى ايىپپۇل تۇراعىنا كىرگىزىلدى. قازىر تەرگەۋ جۇرگىزىلىپ جاتىر.
