ايتا كەتەيىك, ءىس-شارانى وتكىزۋ تۋرالى ۋاعدالاستىققا قر اقپارات جانە قوعامدىق دامۋ ءمينيسترى ايدا بالاەۆانىڭ 2021 جىلعى ساۋىردەگى تۇركياعا ءىس ساپارى بارىسىندا قول جەتكىزىلدى, وندا ول ەكى ەل اراسىنداعى قارىم-قاتىناستىڭ نىعايۋىنا ەلباسى نۇرسۇلتان نازارباەۆ پەن ەل پرەزيدەنتى قاسىم-جومارت توقاەۆ ارقاشان ماڭىزدى ءمان بەرەتىنىن اتاپ وتكەن بولاتىن.
بۇگىن, 3 ماۋسىمدا ونلاين-ءىس-شارالار ءدىن, جاستار ساياساتى, ازاماتتىق قوعامدى دامىتۋ جانە ۆولونتەرلىك سالالارىندا تاجىريبە الماسۋ ماسەلەلەرىن تالقىلاۋ بويىنشا ءوتتى.
تاراپتار قازاقستان مۇسىلماندارى ءدىني باسقارماسى مەن تۇركيا رەسپۋبليكاسى ءدىن ىستەرى باسقارماسى اراسىندا ەكىجاقتى ىنتىماقتاستىقتى نىعايتۋ بويىنشا كەلىسىمگە كەلدى.
جاستار ساياساتىن ىسكە اسىرۋ, ازاماتتىق قوعام مەن ۆولونتەرلىكتى دامىتۋ ماسەلەلەرىن تالقىلاۋ بارىسىندا قازاقستاندىق تاراپ جاستار رەسۋرستىق ورتالىقتارىنىڭ جۇمىس ىستەۋ تاجىريبەسى, قازاقستانداعى ازاماتتىق سەكتوردى قولداۋ شارالارى تۋرالى ايتىپ ءوتتى.
سونىمەن قاتار قر اقپارات جانە قوعامدىق دامۋ مينيسترلىگى تۇرىك سەرىكتەستەرىن قازاقستان پرەزيدەنتى قاسىم-جومارت توقاەۆتىڭ بۇۇ باس اسسامبلەياسىنىڭ 75-ءشى سەسسياسىندا ەرىكتىلەردى جۇمىلدىرۋدىڭ حالىقارالىق جىلىن جاريالاۋ تۋرالى ايتقان باستاماسىن قولداۋعا شاقىردى.
تاراپتار بۇگىنگى ءىس-شارالاردىڭ قورىتىندىلارىن وڭ باعالاپ, ەكىجاقتى ىنتىماقتاستىقتى ودان ءارى دامىتۋ ىسىندە ايتىلعان ۇسىنىستاردى ەسكەرۋگە دايىن ەكەندىكتەرىن ءبىلدىردى.
