بۇل تۋرالى ۇكىمەت باسشىلارى مەن پرەپاراتتى وندىرگەن عالىمداردىڭ ءباسپاسوز كونفەرەنتسياسىندا بەلگىلى بولدى. جوسپار بويىنشا كلينيكالىق سىناققا شامامەن 300-گە جۋىق 12 مەن 18 جاس ارالىعىنداعى جاس وسپىرىمدەر قاتىسادى.
كۋبالىق دارىگەرلەردىڭ ايتۋىنشا, سىناقتان وتەتىن پرەپارات 3 جاستان اسقان بالالارعا ارنالعان. بۇگىندە كۋبا ەلىندە كوۆيد ىندەتىنە قارسى 5 ءتۇرلى ۆاكتسينا شىعارىلىپ, عىلىمي زەرتتەۋدەن وتۋدە.
«كلينيكالىق سىناق الدىمەن ەرەسەك بالالارعا جۇرگىزىلەدى. كەلەسى كەزەڭدە 3 پەن 11 جاس ارالىعىنداعى بۇلدىرشىندىرگە سىنالادى. جالپى پرەپاراتتى بۇعان دەيىن مىڭنان استام ەرىكتى قابىلداعان. ولاردىڭ 95 پروتسەنتىندە انتيدەنەلەر بايقالدى», دەدى فينلي ينستيتۋتىنىڭ باسشىسى ۆيسەنتە ۆەرەس.
