شاعىن قالانىڭ تۇرعىندارىن ەلەڭ ەتكىزگەن جاقسىلىق سورەسىن ۇيىمداستىرۋعا اۋدان اكىمىنىڭ ورىنباسارى ورىنباسار احمەتوۆا, اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ىرىسجان ءابجانوۆا ۇيىتقى بولىپتى. شاپاعات شۋاعىن توگىپ تۇراتىن باعالى باستامانى «از-الي» دۇكەنىنىڭ ۇجىمى بىردەن قولداي كەتكەن. اتالعان ءىس-شاراعا كەز كەلگەن ادام قاتىسا الادى. قايىرىمدىلىق اكتسياسى بارىسىندا ارنايى اشىلعان سورەگە جانى جومارت قالا تۇرعىندارىنىڭ كەز كەلگەنى الدەبىر تاۋاردى ساتىپ الىپ, قويىپ كەتسە بولعانى. وسى جەردەن الەۋمەتتىك جاعىنان از قامتىلعان نەمەسە قولى قىسقا ادامدار قاجەتتى زاتىن تەگىن الادى. قايىرىمدى جاندار كۇندەلىكتى سۇرانىسقا يە تاۋارلارعا باسىمدىق بەرىپ وتىر.
ەل ءىشى قاشاندا كەڭ ەمەس پە؟! ارينە, بۇل ارادا قالا تۇرعىندارى قامقورلىق اتاۋلىدان قاعاجۋ قالىپ, الدەكىمگە قول جايىپ وتىر دەگەن ۇعىم تۋماسا كەرەك. ەڭ باستىسى, قايىرىمدىلىقتىڭ ءبۇر جارىپ, كوكتەگەن جەرى وسى دەپ ايتساق, ارتىق بولماس ەدى. ەرەسەكتەردىڭ وسى ءبىر ادەمى ارەكەتىن كورگەن بالالار دا اتا-انالارى بالمۇزداق ال دەپ بەرگەن ازىن-اۋلاق تيىن-تەبەنىن جاقسىلىق سورەسىنە جۇمساعانىن كورگەن جاننىڭ كوڭىلى گۇلدەپ كەتەر ەدى. قازىر جاقسىلىق سورەلەرى قاجەتتى زاتقا تولى. ءتىپتى, قويارعا ورىن بولماي تۇر دەپ ايتۋعا بولادى. زات ەمەس, قامقور كوڭىلدىڭ اق نيەتى عوي تولىپ تۇرعان.
