اۋا رايى • 03 ماۋسىم، 2021

3 ماۋسىمعا ارنالعان اۋا رايى بولجامى

29 رەت كورسەتىلدى

«قازگيدرومەت» سينوپتيكتەرى ماۋسىمنىڭ 3-ءى كۇنگى اۋا رايى بولجامىن جاريالادى، دەپ حابارلايدى Egemen.kz.

سينوپتيكتەردىڭ بولجاۋىنشا، 3 ماۋسىم كۇنى قازاقستان تەرريتورياسىنىڭ باسىم بولىگىندە وڭتۇستىكتەن كەلگەن تسيكلون ساقتالادى، وسىعان بايلانىستى كەي جەرلەردە نايزاعاي ويناپ جاڭبىر جاۋادى، بۇرشاق جاۋى ىقتيمال.

ەلىمىزدىڭ باتىس بولىگىنىڭ كەي جەرلەرىندە نوسەر جاۋىن جاۋادى. رەسپۋبليكانىڭ كەي جەرلەرىندە جەل كۇشەيىپ، داۋىل تۇرادى، وڭتۇستىكتە جانە وڭتۇستىك-شىعىستا شاڭدى داۋىل، سولتۇستىگىندە تۇندە جانە تاڭدا تۇمان ءتۇسۋى ىقتيمال.

جامبىل، قىزىلوردا، ماڭعىستاۋ وبلىستارىنىڭ كەي جەرلەرىندە شاڭدى داۋىل تۇرىپ، جەلدىڭ جىلدامدىعى سەكۋندىنا 15-20 مەترگە جەتەدى. جامبىل وبلىسىنىڭ كەي جەرلەرىندە بۇرشاق جاۋى ىقتيمال.

باتىس قازاقستان، قوستاناي، سولتۇستىك قازاقستان وبلىستارىنىڭ كەي جەرلەرىندە داۋىل تۇرىپ، بۇرشاق جاۋادى، جەل 15-23 م/س جىلدامدىقپەن سوعادى.

سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى.

تۇركىستان وبلىسىنىڭ تاۋلى ايماعىندا داۋىل تۇرادى، كۇندىز كەي جەرلەرىندە شاڭدى داۋىل تۇرىپ، جىلدامدىعى سەكۋندىنا 15-20 مەترگە جەتەدى.

اقمولا، الماتى، پاۆلودار، قاراعاندى، اقتوبە، اتىراۋ وبلىستارىنىڭ كەي جەرلەرىندە جەل 15-23 م/س-قا دەيىن كۇشەيەدى.

اتىراۋ وبلىسىنىڭ كەي جەرلەرىندە داۋىل تۇرىپ، بۇرشاق جاۋادى.

قاراعاندى وبلىسىنىڭ كەي جەرلەرىندە بۇرشاق جاۋى مۇمكىن.

شىعىس قازاقستان وبلىسىندا جەل 15-20 م/س جىلدامدىقپەن سوعادى، كۇندىز ەكپىنى 25 م/س-قا دەيىن كۇشەيىپ، كەي جەرلەرىندە داۋىل تۇرىپ، بۇرشاق جاۋادى.

كۇندىز قىزىلوردا، جامبىل، ماڭعىستاۋ، اتىراۋ، شىعىس قازاقستان وبلىستارىنىڭ باسىم بولىگىندە، الماتى وبلىسىنىڭ كەي جەرلەرىندە، اقتوبە وبلىسىنىڭ وڭتۇستىگىندە اپتاپ ىستىق بولادى.

قىزىلوردا، جامبىل، اقتوبە وبلىستارىندا، اتىراۋ، قاراعاندى، الماتى، شىعىس قازاقستان، تۇركىستان، قوستاناي، پاۆلودار وبلىستارىنىڭ كەي جەرلەرىندە، اقمولا وبلىسىنىڭ جەكەلەگەن اۋدانىندا وتە ءورت قاۋپى ساقتالادى.

سوڭعى جاڭالىقتار

ۇقساس جاڭالىقتار