تاراپتار كومىرسۋتەگى شيكىزاتىن بارلاۋ, ءوندىرۋ جانە تاسىمالداۋ سالالارىنداعى بىرلەسكەن ينۆەستيتسيالىق جوبالاردى جانە «كاسپي قۇبىر كونسورتسيۋمى» مۇناي قۇبىرىن جاڭعىرتۋ ماسەلەلەرىن تالقىلادى.
قاشاعان كەن ورنىن ودان ءارى يگەرۋ كەلەشەگىنە ەرەكشە نازار اۋدارىلدى. 2020 جىلى مۇندا 15,1 ملن توننا مۇناي ءوندىرىلدى, بۇل 2019 جىلعى كورسەتكىشتەن 7,1%-عا ارتىق. 2021 جىلى 15,15 ملن توننا مۇناي ءوندىرۋ جوسپارلانعان.
مۇناي-گاز حيمياسى سالاسىنداعى — پوليەتيلەن جانە جوعارى قايتا وڭدەلگەن باسقا دا ونىمدەر ءوندىرۋ سالاسىنداعى بىرلەسكەن جوبالاردى دامىتۋ پەرسپەكتيۆالارى تالقىلاندى. ۇكىمەت باسشىسى قازاقستاندا مۇناي-گاز حيمياسى وندىرىستەرىنىڭ جوبالارىن ىسكە اسىرۋ كەزىندە Exxon Mobil تاجىريبەسىن زەردەلەۋ ءۇشىن جۇمىس توبىن قۇرۋدى تاپسىردى.
ا. مامين قر اۋماعىندا «Exxon Mobil» بىرەگەي جابدىعىنىڭ ءوندىرىسىن جەرگىلىكتەندىرۋدىڭ, كومپانيانىڭ ساتىپ الۋلارىنداعى قازاقستاندىق قامتۋ ۇلەسىن ارتتىرۋدىڭ, زاماناۋي ەكولوگيالىق تازا تەحنولوگيالاردى قولدانۋدىڭ, دەنساۋلىق ساقتاۋ جانە ەڭبەك قاۋىپسىزدىگى سالاسىندا جوعارى ستاندارتتاردى ساقتاۋدىڭ, سونداي-اق قازاقستاندا الەۋمەتتىك جوبالاردى ىسكە اسىرۋدىڭ ماڭىزدىلىعىن اتاپ ءوتتى.
Exxon Mobil – قر ءىرى ينۆەستورلارىنىڭ ءبىرى. 1993 جىلدان باستاپ كومپانيا قازاقستان ەكونوميكاسىنا $26 ملرد استام ينۆەستيتسيا سالدى.
كەزدەسۋگە ەنەرگەتيكا ءمينيسترى نۇرلان نوعاەۆ پەن «قازمۇنايگاز» ۇك» اق باسقارما توراعاسى اليك ايدارباەۆ قاتىستى.
