وڭىرلىك قولباسشىلىقتىڭ ءباسپاسوز قىزمەتىنىڭ مالىمەتىنشە, اقتاۋ, اقتوبە جانە اتىراۋ گارنيزوندارىنىڭ اسكەري بولىمدەردىڭ جەكە قۇرامى اراسىندا مەملەكەتتىك جانە قۇقىقتىق دايىندىق ساباعى ءوتتى. سودان سوڭ اسكەري بولىمدەردىڭ جەكە قۇرامى تاكتيكالىق-ساپتىق جاتتىعۋلارىن وتكىزۋ ءۇشىن دابىلمەن كوتەرىلدى.
«وتكىزىلىپ جاتقان شارالاردىڭ باستى ماقساتى – اسكەرلەردى جاۋىنگەرلىك-جەدەل باسقارۋ جانە باسقارۋ جۇيەسىن جەتىلدىرۋ. ءبىز جاۋىنگەرلىك دايىندىق كەزىندە اسكەري بولىمدەردىڭ بەرىلگەن تاپسىرمانى ۋاقىتىندا ورىنداۋ مۇمكىندىگىن تەكسەرەمىز. وسى ۋاقىتتا اسكەري بولىمدەردە جىلجىمالى جانە ستاتسيونارلىق كوماندالىق پۋنكتتەر قۇرىلىپ, بايلانىستىڭ, كومەندانتتىق قىزمەتتىڭ بارلىق ءتۇرى ۇيىمداستىرىلادى», دەيدى «باتىس» وڭىرلىك قولباسشىلىعى جەدەل ءبولىمىنىڭ باستىعى, پولكوۆنيك تالعات كەنجەتاەۆ.
