وبلىستىق پد ءباسپاسوز قىزمەتىنىڭ مالىمەتىنشە, 1 ماۋسىم كۇنى ساعات 23.00-دە «بمۆ» اۆتوكولىگىنىڭ 27 جاستاعى جۇرگىزۋشىسى قاتتى جىلدامدىقپەن كەلە جاتىپ, رۋلگە يە بولا الماي قالعان. كولىك اعاشقا جانە جارىقتاندىرۋ تىرەگىنە سوعىلعان.
«جول-كولىك وقيعاسى سالدارىنان جاراقات العان جولاۋشى اۋرۋحانادا ەسىن جيماستان كوز جۇمدى. اۆتوكولىك ارنايى ايىپ تۇراعىنا قويىلدى. سوت-مەديتسينالىق ساراپتاما تاعايىندالدى. اتالمىش فاكتى بويىنشا تەكسەرۋ جۇرگىزىلەدى», دەدى وبلىستىق پوليتسيا دەپارتامەنتىنىڭ ءباسپاسوز قىزمەتىندە.
ايتا كەتەيىك, اعىمداعى جىلدىڭ باسىنان بەرى پاۆلودار وبلىسىنىڭ اۋماعىندا 168 جول-كولىك وقيعاسى تىركەلگەن. جول اپاتى سالدارىنان 10 ادام قازا تاۋىپ, 252 ادام جاراقات العان.
