اۋا رايى • 02 ماۋسىم، 2021

2 ماۋسىمعا ارنالعان اۋا رايى بولجامى

23 رەت كورسەتىلدى

«قازگيدرومەت» رمك 2 ماۋسىم كۇنىنە ارنالعان اۋا رايى بولجامىن جاريالادى، دەپ حابارلايدى Egemen.kz.

2 ماۋسىم كۇنى قازاقستاننىڭ باسىم بولىگى تسيكلوننىڭ ىقپالىندا بولادى. وسىعان قاراي كەي جەرلەردە نايزاعاي ويناپ، جاڭبىر جاۋادى، بۇرشاق جاۋى دا ىقتيمال.

تەك ەلدىڭ سولتۇستىگىندە عانا انتيتسيكلون جوتاسىنىڭ اسەرىنەن كۇن جاۋىن شاشىنسىز بولادى. رەسپۋبليكانىڭ كەي جەرلەرىندە جەلدىڭ كۇشەيۋى، داۋىل، وڭتۇستىكتە شاڭدى داۋىل كۇتىلەدى.

تۇركىستان، تاڭەرتەڭ جانە كۇندىز قىزىلوردا وبلىستارىنىڭ كەي جەرلەرىندە شاڭدى داۋىل، جەلدىڭ جىلدامدىعى سەكۋندىنا 15-20 مەترگە جەتەدى.

جامبىل وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، كۇندىز شاڭدى داۋىل تۇرىپ، بۇرشاق جاۋى ىقتيمال.

اقمولا وبلىسىنىڭ كەي جەرلەرىندە جەلدىڭ كۇشى سەكۋندىنا 15-20 م/س-قا جەتەدى، تۇندە تۇمان بولادى.

سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى، كۇندىز جەل 15-20 م/س جىلدامدىقپەن سوعادى.

الماتى، قاراعاندى، شىعىس قازاقستان وبلىستارىندا كۇندىز جەل 15-20 م/س-قا دەيىن كۇشەيەدى. قاراعاندى وبلىسىندا بۇرشاق جاۋى ىقتيمال.

قوستاناي، پاۆلودار وبلىستارىندا جەلدىڭ جىلدامدىعى سەكۋندىنا 15-20 مەترگە جەتەدى.

باتىس قازاقستان وبلىسىندا دا بۇرشاق جاۋى مۇمكىن.

كۇندىز قىزىلوردا، جامبىل، الماتى، ماڭعىستاۋ، اتىراۋ، اقتوبە وبلىستارىنىڭ باسىم بولىگىندە، قاراعاندى، تۇركىستان وبلىستارىنىڭ كەي جەرلەرىندە قاتتى ىستىق بولادى.

قىزىلوردا، جامبىل، اقتوبە وبلىستارىندا، اتىراۋ، قاراعاندى، الماتى، شىعىس قازاقستان، تۇركىستان، قوستاناي وبلىستارىنىڭ كەي جەرلەرىندە، اقمولا، پاۆلودار وبلىستارىنىڭ جەكەلەگەن اۋدانىندا وتە جوعارى ءورت قاۋپى ساقتالادى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار