وسىمەن سەگىزىنشى رەت ۇيىمداستىرىلعان ونەر دوداسىنا نۇر-سۇلتان, الماتى قالالارى مەن قاراعاندى, تۇركىستان, الماتى, جامبىل, اقتوبە, اقمولا, سولتۇستىك قازاقستان, پاۆلودار جانە شىعىس قازاقستان وبلىستارى اتىنان 36 ۇمىتكەر قاتىسىپ, باق سىنادى.
قۇرامىندا قازاقستاننىڭ ەڭبەك سىڭىرگەن قايراتكەرلەرى عالىم مۇحامەدين, رامازان ستامعازيەۆ, تالعات ىدىرىسوۆ, جاقسىكەلدى كەمالوۆ, ايتبەك نىعىزباەۆ, ەربول ايتپاەۆ جانە «قۇرمەت» وردەنىنىڭ يەگەرى سەرجان مۇسايىن بار قازىلار القاسى بايقاۋدىڭ باس جۇلدەسىنە قۇرمانعازى اتىنداعى قازاق ۇلتتىق كونسەرۆاتورياسىنىڭ ستۋدەنتى اقجول وسەربايدى لايىقتى دەپ تاپتى.
ءبىرىنشى جۇلدە قازاق ۇلتتىق كونسەرۆاتورياسىنىڭ تاعى ءبىر ستۋدەنتى نۇربولات ۇزاقبايعا بۇيىردى. ەكىنشى ورىندى پاۆلودارلىق داۋرەنبەك سلامعالي مەن الماتىلىق قاستەر قابدەل يەلەندى. ال ءۇشىنشى جۇلدە قازىلار القاسىنىڭ شەشىمىمەن قازاق ۇلتتىق ونەر ۋنيۆەرسيتەتىنىڭ ستۋدەنتى ايبالا بەيسەنوۆا مەن ايبەك رىمعاليعا جانە مەملەكەتتىك اكادەميالىق فيلارمونيا اتىنان قاتىسقان الۋا قالىمبەكوۆاعا ءبولىپ بەرىلدى.
بۇدان بولەك, ءان بايقاۋىنىڭ قورىتىندىسى بويىنشا قالي بايجانوۆ اتىنداعى ارنايى سىيلىق ساۋلەت امانعازينگە, ماناربەك ەرجانوۆ اتىنداعى ارنايى سىيلىق ايدوس سانيازبەك ۇلىنا, مادەنيەت ەشەكەەۆ اتىنداعى ارنايى سىيلىق قوستىباي قاجىبيگە جانە رىمباي بودەسوۆ اتىنداعى ارنايى سىيلىق بەكزات ەرمەكبايعا تابىس ەتىلدى. اتالعان ونەرپازداردىڭ بارلىعى دا الماتى قالاسىنان كەلىپ باق سىنادى. ال مەيىرحان ادامبەكوۆ اتىنداعى ارنايى سىيلىقتى قىزىلجارلىق ءانشى ەركەبۇلان قارىپوۆ يەلەندى.
جەڭىمپاز جانە جۇلدەگەر ونەرپازدارعا لايىقتى سىي-سياپات جاسالدى.
قاراعاندى
