تۇرعىن ءۇيدىڭ ىشكى الاڭدىق-ينجەنەرلىك جەلىلەر مەن اباتتاندىرۋ قۇرىلىسىن جۇرگىزگەن مەردىگەر كولىك جولدارىن ساراپتامادان وڭ قورىتىندى العان جوبا بويىنشا جاسايدى. تاراز قالاسى, سۇلەيمەنوۆ كوشەسىنىڭ سوڭىنداعى №15 شاعىن اۋداندا ورنالاسقان №16 تۇرعىن ءۇيدىڭ شاتىرىن قالپىنا كەلتىرۋ جۇمىستارى جۇرگىزىلدى. 19 اقپان كۇنى بولعان داۋىل سالدارى تولىعىمەن جويىلدى. قۇرىلىس نىساندارىنىڭ جوبالىق-سمەتالىق قۇجاتتامالارىن ازىرلەۋ بارىسىندا شاتىر جابىندىسىنىڭ قۇرىلىس نورماتيۆتەرىنە ساي ورنالاستىرىلۋى ەسكەرىلەدى. ال تاراز قالاسى, سۇلەيمەنوۆ كوشەسىنىڭ سوڭىنداعى №15 شاعىن اۋداندا ورنالاسقان №11 ءۇي تۇرعىندارىنىڭ شاعىمىنا وراي, «تاراز قالاسى, سۇلەيمەنوۆ كوشەسى اياعىنداعى 80 پاتەرلىك تۇرعىن ءۇي قۇرىلىسى. №1 جەر تەلىمى, 3-ءشى نىسانى» بويىنشا بارلىق قۇرىلىس-مونتاجداۋ جۇمىستارى جوباعا سايكەس جاسالعانىن حابارلايمىن. جەرتولەنىڭ قۇبىرى, كاناليزاتسيا جۇيەسىندە ورىن العان جاعداي تۇرمىستىق قالدىقتاردىڭ قۇبىرعا تۇسۋىنە بايلانىستى بولعان. «جامبىل سۋ» كوممۋنالدىق-مەملەكەتتىك كاسىپورنى تاراپىنان بارلىق اقاۋلار جويىلدى.
جاڭادان بوي كوتەرىپ جاتقان شاعىن اۋدان بولعاندىقتان, جاڭا تۇرعىن ۇيلەردىڭ قۇرىلىسى دا جالعاسۋدا. بارلىق قۇرىلىس جۇمىستارى اياقتالعان سوڭ, تۇرعىن ءۇي ارالارىنا اسفالت جابىندىسىن توسەۋ بويىنشا جۇمىستار اتقارىلاتىن بولادى. قازىرگى تاڭدا كوپقاباتتى تۇرعىن ۇيلەردىڭ قۇرىلىسىن جوبالاۋ كەزىندە مۇمكىندىگى شەكتەۋلى ازاماتتاردىڭ كىرىپ-شىعۋىنا ارنالعان تالاپتار – پاندۋستار قاراستىرىلماعان. تۇرعىنداردىڭ ءوتىنىش حاتتارىنا سايكەس پاندۋس ورناتۋ ماسەلەسى قاراستىرىلادى.
تولەگەن بيبوسىنوۆ,
تاراز قالالىق قۇرىلىس ءبولىمىنىڭ باسشىسى
