كۋاگەرلەردىڭ ايتۋىنشا, 31 مامىر كۇنى شامامەن كەشكى ساعات 17: 30-دا سايران كولىنە 25-30 جاس ارالىعىنداعى ەر ادام سۋعا ءتۇسىپ, قايتىپ شىقپاعان.
الدىن الا بولجام بويىنشا, جاس جىگىت تانىستارىمەن بىرگە ىشىمدىك ىشكەن.
«الماتى قالاسىنىڭ قۇتقارۋ قىزمەتىنىڭ قۇتقارۋشىلارى جەدەل ىزدەستىرۋ-سۇڭگۋىر جۇمىستارىن باستادى. ىزدەستىرۋ-سۇڭگۋىر جۇمىستارى قاراڭعى تۇسكەنگە دەيىن جۇرگىزىلدى. بۇگىن تاڭعى ساعات 08:30-دان باستاپ ىزدەستىرۋ-سۇڭگۋىر جۇمىستارى قايتا باستالدى. ىزدەستىرۋگە قر تجم رجقج-نىڭ سۇڭگۋىرلەرى دە تارتىلدى. سۋ تۇنىق بولماعاندىقتان سۋ استىنان ەشتەمە كورىنبەيدى. سوندىقتان ىزدەستىرۋ جۇمىستارى جاناسۋ ارقىلى جۇرگىزىلۋدە», دەپ حابارلادى الماتى قالالىق توتەنشە جاڭدايلار دەپارتامەنتىنەن.
ىزدەستىرۋ جۇمىستارىنا الماتى قالاسى قۇتقارۋ قىزمەتىنىڭ 4 سۇڭگىرۋى مەن «قر تجم» مم-نەن 3 سۇڭگۋىر مەن 2 قايىق جۇمىلدىرىلدى.
