ءىرى ءورت وقيعاسى كەزىندە 1992 جىلى تۋعان ەر ازاماتتى كۇيىك شالىپ, جانساقتاۋ بولىمىنە جاتقىزىلعان.
كۋاگەرلەردىڭ ايتۋىنشا, اۋەلى ءۇي اۋلاسىنداعى جانار-جاعارماي تاسىمالدايتىن كولىكتى قىزىل جالىن شارپىعان. ارتىنشا ءتىلسىز جاۋ ءىرى كولەمدە جانارماي تۇرعان سارايدى دا جالماعان. ءورتتى سوندىرۋگە 15 تەحنيكا مەن توتەنشە جاعداي دەپارتامەنتىنىڭ 52 قىزمەتكەرى جۇمىلدىرىلعان. قازىرگى ۋاقىتتا ءورتتىڭ شىعۋ سەبەبى مەن شىعىندارى انىقتالۋدا.
ء«ورت قاۋىپسىزدىگى تالاپتارى ساقتالماۋىنان وسى ءورت وقيعاسىنا ۇلاسىپ وتىر. نەگىزى تۇرعىن ۇيلەردە تەز جانعىش جانار-جاعارماي ساقتاۋعا قاتاڭ جاۋاپكەرشىلىك قارالادى. وعان بايلانىستى قازىرگى تاڭدا تەرگەۋ امالدارى ءجۇرىپ جاتىر», دەيدى ء«ورت ءسوندىرۋ جانە اۆاريالىق قۇتقارۋ قىزمەتى» مم باسشىسى نۇرسۇلتان يبراگيموۆ.
