باسىلىمدا تاۋەلسىزدىك العاننان باستاپ قازىرگى ۋاقىتقا دەيىنگى سيرەك كەزدەسەتىن ءارى بىرەگەي ارحيۆتىك فوتوسۋرەتتەر جيناقتالىپ, وتىز جىلداعى ەڭ كورنەكتى وقيعالاردىڭ كادرلارى توپتاستىرىلعان. ءىس-شاراعا ەلباسىنىڭ ارىپتەسى, مەملەكەت قايراتكەرى, تاۋەلسىز قازاقستاننىڭ ءبىرىنشى سىرتقى ىستەر ءمينيسترى تولەۋتاي سۇلەيمەنوۆ, بەلگىلى كومپوزيتور جانە قوعام قايراتكەرى تولەگەن مۇحامەدجانوۆ, جەڭىل اتلەت, وليمپيادا جانە الەم چەمپيونى ولگا شيشيگينا قاتىستى.
– سىزدەر – ەگەمەن ەلدە تۋعان ەڭ باقىتتى تاۋەلسىزدىك قۇرداستارىسىزدار. ەلباسى 2019 جىلى ءوز وكىلەتتىلىگىن توقتاتقان كەزدە جانە «جاستار جىلىنىڭ» اشىلۋىندا: «دەربەس قازاقستاننىڭ ەڭ باستى جەتىستىگى – جاڭا تاۋەلسىز ۇرپاق», دەگەن بولاتىن. وسى قاناتتى ءسوزدى ۇندەستىرگەن مەملەكەت باسشىسى قاسىم-جومارت توقاەۆ اعا بۋىننىڭ مىندەتى – تاۋەلسىز ەلدىڭ كرەاتيۆتى, ءبىلىمدى, اقىلدى, تابىستى ۇرپاعى ءبىزدى كۇللى الەمگە تانىتۋى ءۇشىن بارلىق جاعدايدى جاساۋ كەرەكتىگىن ايتتى, – دەدى تۇڭعىش پرەزيدەنت – ەلباسى كىتاپحاناسى ديرەكتورىنىڭ ورىنباسارى بوتاگوز قايىپوۆا.
كەزدەسۋ بارىسىندا «وتىز. حالىق تاعدىرى – ەل تاريحى» ءفيلمىنىڭ الدىن الا كورسەتىلىمى ءوتتى.
