الەم • 01 ماۋسىم، 2021

دانيا ساياساتكەرلەردى «تىڭداۋعا» كومەكتەستى

40 رەت كورسەتىلدى

دانيانىڭ بار­­­لاۋ قىزمەتى اقش ۇلتتىق قاۋىپ­­سىزدىك اگەنت­تىگىنە ەۋرو­پالىق ساياساتكەرلەر تۋرالى اقپارات جيناۋعا كومەكتەسكەن. مالىمدەمە يەلەرى ساياساتكەرلەر تىزىمىندە گەرمانيا كانتسلەرى انگەلا مەركەل دە بار دەيدى.

دانيالىق Danmarks Radio تەلەكومپانياسى «2012 مەن 2014 جىل اراسىندا دانيا قورعانىس جانە بارلاۋ قىزمەتى سۋاستى ينتەرنەت كابەلدەرى ارقىلى اقپارات ۇرلاپ، اقش اگەنتتىگىنە جاردەمدەستى» دەگەن اقپارات تاراتتى.

اقپاراتتىق تەحنولوگيالار مامانى ەدۆارد سنوۋدەن اقش 2013 جىلى مەركەلدىڭ تەلەفونىن تىڭداۋعا الدى دەدى. دەگەنمەن بۇل اقپاراتتى اق ءۇي جوققا شىعاردى.

ال جاقىندا Danmarks Radio بىرقاتار ەۋروپالىق باسىلىممەن بىرگە جاڭا زەرتتەۋ جاساپ، بىرنەشە ساياساتكەردىڭ حابارلامالارى وقىلىپ، تەلەفون اڭگىمەلەرى تىڭدالعانىن انىقتادى. كومپانيا بۇل اقپاراتتى 9 دەرەككوز راستاعانىن حابارلادى.

دانيا قورعانىس مينيسترلىگى جاۋاپ بەرمەگەنىمەن، 2019 جىلعا دەيىن قورعانىس ءمينيسترى قىزمەتىن اتقارعان ترين برامسەن كومپانياعا وتە جاقىن سەرىكتەستەردىڭ قۇرىلعىلارىن جۇيەلى تىڭداپ وتىرۋ نەمەسە باقىلاۋعا الۋ تىيىم سالىنعان ەرەجە ەكەنىن ايتتى. 

بۇل جاڭالىقتى ەستىگەن فرانتسيا اقپا­رات راستالسا، سەرىكتەستىك سەتىنەي­تىنىن ءبىل­دىردى. «دانيالىق ارىپتەستەرىمىزدىڭ اقش-قا قولداۋ بىلدىرمەگەنىن، جۇيەدە قاتە كە­تىپ نەمەسە تاعى ءبىر تۇسىنىسپەۋشىلىك بول­­عانى تۋرالى مالىمدەمە كۇتەمىز. ويت­­كەنى بۇل كۇدىك راستالسا، بۇدان ارعى دوس­تاس­تىعىمىزعا كۇمان بار»، دەدى فران­تسيانىڭ ەۋروپا ءمينيسترى كلەمەنت بون.

بۇل مالىمدەمە وتە قولايسىز ۋا­قىت­تا جاسالىپ وتىر. ويتكەنى الدا تران­ساتلانت سەرىكتەستىگىنىڭ ماسەلەسى تالقىلانباق. ەكى اپتادان كەيىن اقش پرەزيدەنتى دجو بايدەننىڭ ەۋروپاعا ساپارلاپ كەلىپ، العاش رەت G7 سامميتىنە قاتىسۋى جوسپارلانعان.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار