رۋحانيات • 01 ماۋسىم، 2021

«تاريحتان تاعىلىم –وتكەنگە تاعزىم»

178 رەت كورسەتىلدى

وسىنداي تاقىرىپپەن پاۆلودار قالاسىندا ساياسي قۋعىن – سۇرگىن جانە اشارشىلىق قۇرباندارىن ەسكە الۋ كۇنىنە ارنالعان قازاقستان حالقى اسسامبلەياسىنىڭ جىل سايىنعى حالىقارالىق جوباسىنىڭ ءىس-شارالار كەشەنى وتكىزىلدى.

 

ءىس-شاراعا قازاقستان حالقى اسسامبلەياسى توراعاسىنىڭ ورىن­باسارى مارات ءازىلحانوۆ، پاۆلودار وبلىسىنىڭ اكىمى ابىل­قايىر سقاقوۆ، پارلامەنت ءماجى­لىسىنىڭ دەپۋتاتتارى ۆاكيل نا­بيەۆ، ناتاليا دەمەنتەۆا، ورتا­لىق مەملەكەتتىك ورگانداردىڭ، حالىق­ارالىق ۇيىمداردىڭ وكىل­دەرى، عىلىم جانە مادەنيەت قاي­­رات­كەرلەرى، ساراپشىلار، قول­دان­بالى ەتنوساياسي زەرتتەۋلەر ينس­تيتۋتىنىڭ لەكتورلارى، قحا عىلىمي-ساراپشىلىق كە­ڭە­سى­نىڭ، كافەدرالارىنىڭ، جاس­تار بىر­لەس­تىكتەرىنىڭ مۇشەلەرى، دە­پور­تا­تسيالانعان جانە قۋعىن-سۇر­گىن­گە ۇشى­راعان وتباسىلاردىڭ ۇرپاق­تارى قاتىستى.

«قازاقستان رەسپۋبليكاسىنىڭ تاۋەلسىزدىگى: تاريح جانە ەستەلىك» تاقى­رى­بىنداعى عىلىمي-پراكتي­كالىق فورۋم بارىسىندا سپي­كەرلەر ەلىمىزدىڭ تۇڭعىش پرەزي­دەنتى – ەلباسى نۇرسۇلتان نازار­باەۆ­تىڭ ساياسي قۋعىن-سۇرگىن جانە اشارشىلىق قۇرباندارىنا قاتىس­تى تاريحي ادىلەتتىلىكتى قالپىنا كەلتىرۋدەگى ءرولىن، جالپىۇلتتىق توپ­تاستىرۋشى تاريحي سانانى ودان ءارى ساقتاپ، تاراتۋ جانە تاجىريبەنى بولاشاق ۇرپاققا بە­رۋدە ازاماتتىق سەكتور مەن مەم­لە­كەت­تىڭ كۇش-جىگەرىن بىرىكتىرۋ قا­جەت­تى­لىگى جانە باسقا ماسەلەلەر تال­قىلاندى.

مارات ءازىلحانوۆتىڭ ايتۋىنشا، «تاريحتان تاعىلىم – وتكەنگە تاعزىم» جوباسى قازاقستاننىڭ عانا ەمەس، بۇكىل پوستكەڭەستىك كەڭىس­تىكتىڭ شەكاراسىنان ءارى استى. حح عاسىرداعى توتاليتارلىق دەپور­تاتسيالار مەن قۋعىن-سۇرگىن­دەر­دىڭ قاسىرەتى ءتىپتى ءححى عاسىر­داعى الەمدە ءومىر ءسۇرىپ جاتقان ميل­ليونداعان ادامداردىڭ تاعدى­رىندا قايتالاندى.

قحا توراعاسىنىڭ ورىنباسارى تاريحي ادىلەتتىلىكتى قالپىنا كەل­تىرۋ جانە وتكەننىڭ قايعىلى بەت­تەرىن وبەكتيۆتى زەرتتەۋ جۇ­مىس­تارى قازىر دە بەلسەندى جۇرگى­زىلىپ جاتقانىن اتاپ ءوتتى. ەل پرە­زيدەنتى قاسىم-جومارت تو­قاەۆ­تىڭ تاپسىرماسى بويىنشا قۇ­رىلعان ساياسي قۋعىن-سۇرگىن قۇر­بان­دارىن تولىق اقتاۋ جونىندەگى مەملەكەتتىك كوميسسيا جۇمىس ىستەيدى.

ساياسي قۋعىن-سۇرگىن جانە اشارشىلىق قۇرباندارىن ەسكە الۋ، حالىقتاردى دەپورتاتسيالاۋ، 30-جىلدارداعى اشارشىلىق تۋرالى ەستەلىكتەردەن ءبىزدىڭ ەلدە يگى ءداستۇر – العىس ايتۋ كۇنى پايدا بولدى.

فورۋمنىڭ پلەنارلىق وتى­رى­سىنىڭ جالعاسى رەتىندەگى سەك­تسيالار جۇمىسى اياسىندا قا­زاق­ستاننىڭ ۇلتتىق مەملەكەتتىلىگىنىڭ قالىپتاسۋى، حح عاسىردىڭ 20-30-جىلدارىنداعى اشارشىلىق، 30-50-جىلدارىنداعى ساياسي قۋ­عىن-سۇرگىن، قازاقستانعا باسقا ەت­نوستاردىڭ جەر اۋدارىلۋى، ەكىنشى دۇنيەجۇزىلىك سوعىس تاريحى جانە باسقا ماسەلەلەر تالقىلاندى.

سونداي-اق ءىس-شاراعا قاتى­سۋ­شىلار ساياسي قۋعىن-سۇرگىن قۇربان­دارى مەموريالى مەن جۇسىپ­بەك ايماۋىتوۆ ەسكەرتكىشىنە گۇل شوق­تارىن قويىپ، تاريحي-قۇجاتتىق كورمەنى ارالادى.

ايتا كەتۋ كەرەك، «تاريحتان تاعى­لىم – وتكەنگە تاعزىم»  جوبا­سى جالپىۇلتتىق تاريحي سا­نانى قالىپتاستىرۋعا، ەلبا­سىنىڭ «رۋحاني جاڭعىرۋ» باعدار­لا­ماسىنا سايكەس قازاقستاندىق بىرەگەيلىك پەن بىرلىكتى نىعايتۋعا باعىتتالعان.

حالىقارالىق جوبانىڭ ءىس-شارالارى 2010 جىلدان باستاپ جىل سايىن وتكىزىلىپ كەلەدى. ونىڭ اياسىندا بىرقاتار عىلىمي-اعار­تۋشىلىق كىتاپ، مونوگرافيا، دەرەكتى فيلم تۇسىرىلگەن. سونداي-اق قازاقستان رەسپۋبليكاسى پرە­زيدەنتىنىڭ ارحيۆىمەن بىرلەسىپ، دەپورتاتسيا تاريحىنا ارنالعان قۇجاتتار جيناعىنىڭ بىرنەشە تومى جارىق كورگەن.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار