مودەرن ماحاببات

ەگەر، وسى سەريالدى كورۋدىڭ قاجەتى بار ما دەپ سۇرار بولساڭىز، جاۋاپ – كورۋگە ابدەن تۇرادى. ءار ەپيزود جەكە-جەكە وقيعانى ارقاۋ ەتە وتىرىپ، ونداعى كەيىپكەرلەردىڭ تاعدىر تالا­­يىنداعى وي اعىمىن، كوڭىل-كۇي قۇبى­لىسىنداعى وزگەرىستەر مەن باس­تان وت­كەرگەن ىشكى شىندىعى جايىندا بايان­دالاتىن 8 سە­ريادان تۇرادى. ال ەڭ سوڭعى سەگىزىنشى ءبولىم الدىڭعى ەپي­زود­تارداعى وقيعالاردىڭ باسىن بىرىك­تىرۋگە تىرىسادى. بۇل نيۋ-يورك تايمس جۋرنالىنىڭ «قازىرگى ماحاببات» باعا­نىنداعى كەيىپكەرلەر ومىرىنەن الىنعان شاعىن نوبايلار.

فيلمدە سانا مەن ەموتسيالىق ۇن­دەس­­تىككە شاقىراتىن سەرپىلىس بار، جامان­دىقتى جاقسىلىققا، ز ۇلىمدىقتى ىزگى­لىككە اينالدىرۋ ءوز قولىڭدا دەگەن وركەن­دەۋ جولىنا ۇمتىلدىرىپ وتىرادى. ءبىر قاراعاندا قاراپايىم ادامداردىڭ كۇن­دە­لىكتى قىڭقىل-سىڭقىلى، كۇڭكىل-شۇڭ­كىلى سىندى ماڭىزدى كورىنبەۋى مۇم­كىن، بىراق ءوزىمىز كۇردەلەندىرىپ العان ومىرىمىزدەگى قۇلدىراۋ، قايتا تۇرۋ، كوز جاسى، جان قينالىسى، كوڭىل تول­قى­نىسى سىندى بەلەستەردى ۇقىپتى كورسەتە بىلگەن. ماسەلەن، بالالار مەن اتا-انالاردىڭ قارىم-قاتىناسى، ەرەسەك ەرلى-زايىپتىلاردىڭ قارىم-قاتىناسى، ارالاسۋداعى قاتەلىكتەر، ماحاببات، دوس­تىق، وزىنە دەگەن سەنىمسىزدىك سىندى الۋان ءتۇرلى تاقىرىپ عىلىمي تۇ­جىرىمدارمەن ورىلە وتىرىپ، قامتىلعان.

ءفيلمنىڭ ءبىر جەرىندە ءوزىڭىزدى تانىپ جاتساڭىز، كەزەكتى ءبىر تۇسىندا كەيىپ­كەرلەردىڭ ارەكەتىنە قۋانىپ وتىرار ەدىڭىز. كەيىپكەرلەر اراسىنداعى قيىن­دىقتارعا قاراماستان، فيلم اۋا­نى­نان سەزىلىپ تۇراتىن جەڭىلدىك پەن اۋەنى جانعا جاعىمدىلىعىمەن ەستە قا­لا­دى.  ال فيلمدەگى ميلليونداردى قىم­­سىنباي قۇشاعىنا الىپ جاتقان زور نيۋ-يوركتىڭ باس اينالدىرار عاجايىپ كو­رى­نىستەرى بىردەن كورەرمەننىڭ كوڭىلىن جاۋلاپ الادى. 

زاماناۋي ماحاببات – قاراپايىم ادامداردىڭ قاتىناسى. وعان بولا سۋپەر قاھارمان بولۋدىڭ، اقىلدى الدەنەنى ويلاپ تابۋدىڭ ەش قاجەتتىلىگى جوق. بۇل كەز كەلگەنىمىزدىڭ باسىمىزعا ءتۇسۋى ابدەن مۇمكىن ءومىر جولاقتارى. ەڭسەڭىز ءتۇسىپ، كوڭىلىڭىزدى تورلاعان سۇر بۇلتتان ارىلا الماي جۇرگەن بولساڭىز، وسى ءفيلمدى قاراپ كورىڭىز. وكىنبەيسىز، ىشىڭىزدەگى جان سارايىڭىز شايداي اشىلادى. بۇل – ءومىر جولىمىزدىڭ سان الۋان قىرىن جان-جاقتى اشىپ بەرەتىن، ەڭ باستىسى وتكەن دە، ەرتەڭ دە ەمەس، قازىرگى ۋاقىت ەكەنىن ەسكە سالاتىن فيلم. بارلىعىن ءوز ۋاعىندا قادىرلەۋ كەرەك، قاستەرلەۋ كەرەك، قامقورلىق كورسەتىپ، جاقسى كورۋ كەرەك. ونداي بولماعان كۇندە «ىشىمدەگىنى تاپ» دەگەن ۇنسىزدىك ناعىز بەتپەردەگە اينالادى دا، قۇردىمعا قۇلاتا جازدايدى. ەسەسىنە ايتۋ، سوزبەن ۇعىنىسۋ بايىپتى بايلامعا كەلۋدىڭ تاماشا قۇرالى دەگەن ويدى جەتكىزگىسى كەلەدى.

تىم تەرەڭگە كەتكەن كوممۋنيكا­تسيالىق داعدى وسى كۇنى تەلەفوننان باس كوتەرتپەيدى. ءىس جۇزىندە جاس­تار «Badoo» مەن «Tinder» سياقتى قوسىمشالاردا، جارق-جۇرق ەتكەن ينس­تاگرام جەلىلەرىندە ۋاقىت وتكىزەدى. اينالاڭا ءبىر ۋاق زەر سالساڭ باسىن سالبىراتقان قاۋىم ۇنەمى تومەن قاراعان كۇيىنشە ەشكىمدى، ەشتەڭەنى بايقاماستان كەتىپ بارا جات­قانى. كىمنەن نە جاسىرعىسى كەلەدى، الدە كىمنەن جاسىرىنعىسى كەلەدى، بەيمالىم. نەمقۇرايدى ءجۇرىستىڭ سىر­تىندا ءومىر جىلىستاپ ءوتىپ بارا جاتقانىن ۇعىنسا عوي، باسىن كوتەرىپ، اسپانعا بىرەر ءسات كوز توقتاتسا عوي دەيسىڭ. ادام بالاسىنا ءبىر رەت بەرىلەتىن ءومىر كوپتەگەن جاسىرىن مۇمكىندىكتەر مەن قاۋىپ-قاتەرلەرگە تولى قيال ما دەيسىڭ. ءبىرى ءومىردى شەكسىز ۇناتىپ جاتسا، ءبىرى جەك كورەدى. سونىڭ اراسىندا مودەرن ماحابباتتان ءمان تاپقىمىز-اق كەلەدى. شەكسىز-شەتسىز ءومىر اعىسىندا الدەقالاي توعىسقان تاعدىرلاردىڭ ەندىگى بەتالىسى جۇم­باق.