«قۋمتور» كەن ورنىن يگەرۋ جوباسىنىڭ ءتۇرلى كەزەڭىندە سىبايلاس جەمقورلىق دەرەگى بويىنشا قىلمىستىق ءىستى تەرگەۋ شەڭبەرىندە بابانوۆتىڭ ۇستالعانى تۋرالى اقپارات ناقتىلانىپ جاتىر. وعان قر قك «سىبايلاس جەمقورلىق» بابى بويىنشا كۇدىككە ىلىنگەنى تۋرالى حابارلاما بەرىلگەن.
قىرعىزستان ۇقك وكىلى Tengrinews.kz تىلشىسىنە «كۋمتور» جوباسىن ىسكە اسىرۋ كەزىندە سىبايلاس جەمقورلىق دەرەگى بويىنشا بابانوۆتىڭ ۇستالعانى تۋرالى اقپاراتتى راستادى.
«تەرگەۋ بارىسىندا الىنعان دالەلدەر نەگىزىندە 2021 جىلعى 31 مامىردا قك-نىڭ 319-بابى 2 - بولىگىندە «سىبايلاس جەمقورلىق» كوزدەلگەن قىلمىس جاسادى دەگەن كۇدىكپەن بۇرىنعى پرەمەر-مينيستر بابانوۆ ۇستالدى», دەلىنگەن حابارلامادا.
ۆەدومستۆو قىلمىستىق ءىستى تەرگەۋدىڭ بارىسى مەن ناتيجەلەرى تۋرالى جۇرتشىلىقتى تۇراقتى نەگىزدە حاباردار ەتەتىنىن ايتتى.
بۇعان دەيىن «كۋمتور» ءىسى بويىنشا بۇرىنعى پرەمەر-مينيستر تەمىر ساريەۆتەن جاۋاپ الىنعان بولاتىن. كەيىن ۇقك-دە پارلامەنتتىڭ بۇرىنعى دەپۋتاتتارى تۇرسىنتاي ساليموۆ پەن سەرگەي يبراگيموۆتان دا جاۋاپ الىنعانى بەلگىلى بولدى.
باسىلىم مالىمەتى بويىنشا, 15 مامىردا «كۋمتور گولد كومپاني» كەڭسەلەرىندە ءتىنتۋ جۇرگىزىلگەن. كەيىن تەرگەۋ شارالارى سىبايلاس جەمقورلىق دەرەگى بويىنشا قوزعالعان قىلمىستىق ءىس شەڭبەرىندە جۇرگىزىلگەنى بەلگىلى بولدى. ۇقك باسشىسى قامشىبەك تاشيەۆ «قۋمتور» كەنىشىنە قاتىستى ءتورت قىلمىستىق ءىس بار ەكەنىن ايتتى. كومپانيادا سىرتقى باسقارۋشى رەتىندە تەنگيز بولتۋرۋك تاعايىندالعان.
