– تاركىلەنگەندەردىڭ قاتارىندا تەگىس ۇڭعىلى, ەلەكترلىك جانە قولدان جاسالعان قارۋ-جاراق بار. جەدەل-الدىن الۋ ءىس-شاراسىن وتكىزۋ بارىسىندا وبلىس پوليتسەيلەرى تۇرعىلىقتى جەرى بويىنشا 3 995 جەكە قارۋ يەلەرىن تەكسەرىپ, 126 اكىمشىلىك قۇقىق بۇزۋشىلىقتى انىقتادى. ەڭ كوپ تارالعان بۇزۋشىلىقتاردىڭ ءبىرى ازاماتتىق قارۋدى ساقتاۋ ءتارتىبىن بۇزۋ بولدى. بۇل ەرەجەنى 115 قارۋ يەسى ەلەمەگەن, ولاردىڭ بارلىعى اكىمشىلىك جاۋاپكەرشىلىككە تارتىلدى. ەندى ولارعا 10 اەك كولەمىندە ايىپپۇل تولەۋگە تۋرا كەلەدى, – دەدى پاۆلودار وبلىسى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى نۇرجان تاڭاتاروۆ.
سونىمەن قاتار 11 قارۋ يەسى ازاماتتىق جانە قىزمەتتىك قارۋدى تىركەۋ (قايتا تىركەۋ) ءتارتىبىن بۇزدى, تاعى جەتى قارۋ يەسى قارۋدى زاڭسىز يەمدەنگەنى, بەرگەنى جانە ساقتاعانى ءۇشىن جازالاندى. مىسالى, 26 مامىردا ساعات 10:00 شاماسىندا كريۆەنكو كوشەسىندەگى ءۇيدىڭ اۋلاسىندا 46 جاستاعى پاۆلودارلىقتان ەلەكتروشوكەر تاركىلەندى.
ۋسپەن اۋدانىندا ساعات 01:45-تە اقسۋ قالاسى تۇرعىنىنىڭ باسقارۋىنداعى Toyota اۆتوكولىگىنەن ەلەكتروشوكەر الىندى. وبلىس ورتالىعىنىڭ 39 جاستاعى تۇرعىنىنىڭ سومكەسىنەن BLOW Compact ماركالى تراۆماتيكالىق تاپانشا تاركىلەندى.
تەكسەرۋ كەزىندە پوليتسيا بازاسىندا ەر ادامنىڭ ازاماتتىق قارۋ يەسى ەمەستىگى انىقتالدى. بارلىق الىنعان قارۋلار بويىنشا ساراپتاما تاعايىندالدى.
ەستەرىڭىزگە سالا كەتەيىك, «قارۋ-2021» جەدەل-الدىن الۋ شاراسى 2021 جىلدىڭ 17 ماۋسىمىنا دەيىن جالعاسادى. وسىعان بايلانىستى قۇقىق قورعاۋ ورگاندارى ازاماتتاردان قىراعىلىق پەن بەلسەندى ازاماتتىق ۇستانىم تانىتۋدى سۇرايدى.
