ەلدىڭ تەك شىعىسىندا, انتيتسيكلون جوتاسىنىڭ اسەرىنەن كۇن جاۋىن-شاشىنسىز بولادى. رەسپۋبليكانىڭ كەي جەرلەرىندە جەل كۇشەيىپ, داۋىل تۇرادى, وڭتۇستىكتە شاڭدى داۋىل تۇرادى, بۇرشاق جاۋى ىقتيمال. جامبىل وبلىسىنىڭ كەي جەرلەرىندە نايزاعاي ويناپ, داۋىل تۇرادى, جەل 15-20 م/س جىلدامدىقپەن سوعادى, بۇرشاق جاۋى ىقتيمال.
تۇركىستان وبلىسىنىڭ كەي جەرلەرىندە شاڭدى داۋىل تۇرادى, جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى, كۇندىز تاۋلى اۋدانداردا نايزاعاي وينايدى. تاڭەرتەڭ جانە كۇندىز قىزىلوردا وبلىسىندا نايزاعاي ويناپ, شاڭدى داۋىل تۇرادى, جەلدىڭ جىلدامدىعى سەكۋندىنا 15-20 مەترگە جەتەدى, ەكپىنى 25 م/س بولادى. اقمولا, ماڭعىستاۋ, اقتوبە وبلىستارىنىڭ كەي جەرلەرىندە نايزاعاي وينايدى, جەل 15-20 م/س جىلدامدىقپەن سوعادى. اقمولا وبلىسىندا بۇرشاق جاۋى ىقتيمال.
قوستاناي, قاراعاندى, سولتۇستىك قازاقستان وبلىستارىنىڭ كەي جەرلەرىندە نايزاعاي وينايدى, كۇندىز جەل 15-20 م/س جىلدامدىقپەن سوعادى. قوستاناي, كۇندىز سولتۇستىك قازاقستان وبلىستارىندا داۋىل تۇرىپ, بۇرشاق جاۋى ىقتيمال. پاۆلودار وبلىسىنىڭ كەي جەرلەرىندە نايزاعاي وينايدى, جەل 15-20 م/س جىلدامدىقپەن سوعادى, ەكپىنى 25 م/س-كە دەيىن كۇشەيەدى. اتىراۋ, باتىس قازاقستان وبلىستارىنىڭ كەي جەرلەرىندە نايزاعاي وينايدى, باتىس قازاقستان وبلىسىندا بۇرشاق جاۋى ىقتيمال.
كۇندىز قىزىلوردا, جامبىل, الماتى, اقمولا, اقتوبە وبلىستارىنىڭ باسىم بولىگىندە, قوستاناي وبلىسىنىڭ كەي جەرلەرىندە, قاراعاندى وبلىسىنىڭ وڭتۇستىگىندە اپتاپ ىستىق بولادى. قىزىلوردا, اقتوبە, اتىراۋ, جامبىل, قاراعاندى وبلىستارىنىڭ باسىم بولىگىندە, الماتى, شىعىس قازاقستان وبلىستارىنىڭ كەي جەرلەرىندە, تۇركىستان, قوستاناي, اقمولا, سولتۇستىك قازاقستان وبلىسىنىڭ وڭتۇستىگىندە, پاۆلودار وبلىستارىنىڭ جەكەلەگەن اۋداندارىندا ءورت قاۋپى ساقتالادى.
