ۆەدومستۆونىڭ مالىمەتىنشە, قازىرگى تاڭدا ەلىمىزدە شومىلۋعا رۇقسات بەرىلگەن 469 ورىن بولسا, ونىڭ ءۇش جۇزگە جۋىعى جەكەمەنشىك جاعاجايلار. جالپى قازاقستاندا 50 مىڭنان استام سۋ ايدىنى بار. ونىڭ 125 بولىگىندە قۇتقارۋ بولىمشەلەرى جۇمىس ىستەيدى. شومىلۋ ماۋسىمى الدىندا ەلىمىزدە 48 جىلجىمالى قۇتقارۋ بەكەتى قويىلادى. سۋ ماڭىنداعى دەمالىس ورىندارىندا ارنايى دايىندىقتان وتكەن 108 نىساندى قۇتقارۋ بەكەتى قۇرىلادى. شومىلۋ ماۋسىمىنا دايىندىقتى پىسىقتاعان قۇتقارۋشىلار قازاقستاندىقتاردى سۋعا تۇسكەندە ساقتىق شارالارىن ۇمىتپاۋعا شاقىردى.
«بۇگىنگى تاڭدا 53 ادام, ونىڭ ىشىندە 26 بالا سۋعا باتىپ قايتىس بولۋى تىركەلىپ وتىر. جىل باسىنان سۋ ايدىندارىندا بارلىعى 38 ادام, ونىڭ ىشىندە 4 بالا قۇتقارىلدى. سۋدا قازا تابۋدىڭ باستى سەبەبى جابدىقتالماعان, تىيىم سالىنعان جەردە شومىلۋ», دەيدى تجم ازاماتتىق قورعانىس جانە اسكەري بولىمدەر كوميتەتىنىڭ توراعاسى باۋىرجان سىزدىقوۆ.
