«بايتەرەك» حولدينگىنىڭ 2024 جىلعا دەيىنگى تۇزەتىلگەن دامۋ ستراتەگياسىنىڭ جوباسى بەكىتىلدى, وعان قىزمەتتىڭ جاڭا باعىتى – اگروونەركاسىپتىك كەشەندى دامىتۋ ەنگىزىلدى.
ستراتەگيادا بىرىڭعاي تۇرعىن ءۇي قۇرىلىسى وپەراتورىن قۇرۋ جانە قازاقستاننىڭ تۇرعىن ءۇي قۇرىلىس جيناق بانكىن «وتباسى بانك» اق ەتىپ قايتا قۇرۋ بولىگىندە حولدينگتىڭ تۇرعىن ءۇي بلوگى قايتا قارالدى. ءىرى, شاعىن جانە ورتا بيزنەستى قارجىلىق قولداۋ جانە ەكسپورتتىق الەۋەتىن دامىتۋ قۇرالدارى كەڭەيتىلدى, حولدينگتىڭ پرواكتيۆتى ءرولى مەن كليەنتكە باعدارلانۋى كۇشەيتىلدى.
وتىرىستا سونداي-اق 2020 جىلعى جىلدىق قارجىلىق ەسەپتىلىك, كورپوراتيۆتىك باسقارۋدى جەتىلدىرۋ جونىندەگى ءىس-شارالار جوسپارى, تاۋەكەلدەردى باسقارۋ جانە حولدينگتىڭ ىشكى باقىلاۋ ماسەلەلەرى قارالدى.
