اتالعان شارا قازاقستان تاۋەلسىزدىگىنىڭ 30-جىلدىعىنا جانە ەكى ەل اراسىنداعى ديپلوماتيالىق قاتىناستاردىڭ 25-جىلدىعىنا ورايلاستىرىلدى.
سالتاناتتى ءراسىمدى قازاقستان ەلشىسى عابيت سىزدىقبەكوۆ پەن قازاقستانمەن پارلامەنتارالىق دوستىق توبىنىڭ توراعاسى وليۆەرا نەدەلكوۆيچ اشتى.
حالىقتىق سكۋپششينا دەپۋتاتتارى, ۇكىمەت, ديپلوماتيالىق كورپۋس وكىلدەرى جانە قازاقستاننىڭ سەربياداعى دوستارى كلۋبىنىڭ مۇشەلەرى قۇرمەتتى قوناقتار رەتىندە قاتىستى.
ءوز سوزىندە وتاندىق ديپلومات ەلدەرىمىز اراسىنداعى دوستىق بايلانىستاردى نىعايتۋعا قىزمەت ەتەتىن ءارى قازاق حالقىنىڭ تەرەڭ تاريحى جانە باي مادەنيەتىمەن جاقىنىراق تانىسۋعا مۇمكىندىك بەرەتىن وسىنداي ءىس-شارالاردىڭ ماڭىزدىلىعىن اتاپ ءوتتى.
ەلشىلىك قازاقستاننىڭ مادەنيەت جانە سپورت مينيسترلىگىمەن جانە ش. ايمانوۆ اتىنداعى «قازاقفيلم» كينوستۋدياسىمەن بىرلەسىپ بەلگراد تۇرعىندارى مەن قوناقتارى ءۇشىن مازمۇندى باعدارلاما دايىنداعان.
ءبىر اپتا بويى سەرب كورەرمەندەرىنە «جاۋجۇرەك مىڭ بالا», «اناعا اپارار جول», «امانات», «قۇنانباي», «شىراقشى», «الماس قىلىش», «قازاق حاندىعى. التىن تاق», «بالۋان شولاق», «جاقسىلىق», «مۇزبالاق» جانە «كۇلتەگىن» سەكىلدى كوركەم جانە انيماتسيالىق فيلمدەر ۇسىنىلادى.
