انكارا مەرى استانادا

استانا مەن انكارا ينۆەستيتسيا­لىق جوبالاردى جۇزەگە اسىرۋ سالاسىن كەڭەيتە وتىرىپ, ەكىجاقتى ساۋدا-ەكونوميكالىق ىنتىماقتاستىق قار­قى­نىن ارتتىرۋعا نيەتتى. وسى ءمىن­دەت­تەردى جۇزەگە اسىرۋعا دەگەن مۇددەلىلىك كەشە ەلوردا اكىمدىگىندە وتكەن استانا قالاسىنىڭ اكىمى يمانعالي تاس­ماعام­بەتوۆ پەن تۇركيانىڭ استاناسى انكارا قالاسىنىڭ مەرى مەليح گوك­چەكتىڭ كەزدەسۋى بارىسىندا ءسوز بولدى. كەزدەسۋدە سونداي-اق قازاق­ستاننىڭ ەلورداسىنىڭ دامۋ بارى­سى­نا باسا نازار اۋدارىلدى. استانانى كوشىرۋ بۇگىندە ەكونو­ميكالىق دامۋى مەن ساياسي تۇراقتى­لىعى ۇندەسكەن جاس تاۋەلسىز مەملە­كەتتىڭ ەڭ اۋقىمدى جوباسى بولدى. سوڭعى 11 جىلدا قالانىڭ اۋماعى 2,5 ەسەگە ۇلعايىپ, تۇرعىندار 3 ەسەگە ءوسىپ, 700 مىڭ ادامعا جەتسە, وندىرىلگەن جالپى ءونىم كولەمى 50 ەسەگە ارتىپ, 10 ميللياردتان استام دوللاردى قۇراعان. ونەركاسىپتىك ءوندىرىس 8 ەسەگە دەيىن وسكەن. ىشكى ساۋدا اينالىمى 30 ەسەگە ءوسىپ, 2008 جىلدىڭ قورىتىندىسىندا 10,5 ميلليارد اقش دوللارىن قۇرادى. ال ەندى استانا مەن تۇركيا ارا­سىنداعى ىشكى ساۋدا اينالىمى 2010 جىلعى قاڭتار-اقپان ايلارىندا 14,4 ميلليون اقش دوللارىن قۇرا­سا, ونىڭ ىشىندە ەكسپورت – 4,6 ميل­ليون اقش دوللارى, يمپورت 9,8 ميل­ليون اقش دوللارى بولىپ وتىر. ەلوردالىق ستاتيستيكا باسقارما­سى­نىڭ مالىمەتىنە قاراعاندا 2009 جىلعى 1 قاڭتارداعى جاعداي بويىن­شا استانا قالاسىنىڭ اۋما­عىندا ەكس­پورت-يمپورت وپەراتسيالارى­­مەن اينالىساتىن 153 تۇركيالىق جانە 39 بىرلەسكەن كاسىپورىن تىركەلگەن. ءابدىراحمان قىدىربەك, استانا.