«الەۋمەتتىك مەديتسينالىق ساقتاندىرۋ قورى» كەاق اتىراۋ وبلىسى بويىنشا فيليالىنىڭ ديرەكتورى ءسابيت قۇرالبەكتىڭ ايتۋىنشا, 15 جاسار ءادىل قارابالاەۆ جول اپاتىنان باس سۇيەك-مي جاراقاتىن العان. جول اپاتىنىڭ زاردابىنان باسى مەن بەت سۇيەگىندە كەمىستىك پايدا بولعان.
«سول سەبەپتەن, وعان شۇعىل تۇردە سول جاق پاريەتالدى سۇيەكتىڭ كرانيوتوميالىق دەكومپرەسسياسى جاسالدى. اتالعان وتا باس سۇيەكتىڭ كوسمەتيكالىق كەمشىلىگىن جويۋعا مۇمكىندىك بەردى. ءمامس جۇيەسى اياسىندا شۇعىل جاسالعان حيرۋرگيالىق وتانىڭ قۇنى 2,2 ملن تەڭگەنى قۇرايدى. ەلىمىزدە 18 جاسقا تولماعان بالالار ءمامس جۇيەسىندە مەملەكەت تاراپىنان ساقتاندىرىلاتىن جەڭىلدىگى بار ساناتتارعا جاتادى. وسىعان بايلانىستى ادىلگە قىمبات وتا تەگىن جاسالدى. ەندى ءادىلدىڭ باس سۇيەگىندە كەمىستىك بولمايدى» دەيدى ءسابيت قۇرالبەك.
ونىڭ مالىمەتىنشە, جىل باسىنان بەرى اتىراۋ وبلىستىق بالالار اۋرۋحاناسىندا ءمامس جۇيەسىمەن 971 وتا جاسالعان. ونىڭ ىشىندە جوسپارلى تۇردە 191, شۇعىل تۇردە 780 وتا بار.
