27 مامىردا قازاقستاننىڭ باتىس, سولتۇستىك, ال 28 مامىردان باستاپ ورتالىق جانە شىعىس وڭىرلەرىندە كۇن رايى ايتارلىقتاي سالقىندايدى. رەسپۋبليكامىزدىڭ سولتۇستىك ايماقتارىندا اۋا تەمپەراتۋراسى تومەندەيدى: باتىس ايماقتاردا سىناپ باعاناسى تۇندە 10...22°س , كۇندىز 27...35 , ال ەلىمىزدىڭ سولتۇستىگىندە, ورتالىعىندا جانە شىعىسىندا - تۇندە 5...15°س, كۇندىز 17...28°گرادۋس ىستىقتى كورسەتەدى.
28 مامىرعا قاراعان ءتۇنى شىعىس قازاقستان وبلىسىنىڭ كەي جەرلەرىندە نوسەر بولادى. سونداي-اق قاتتى جەل كۇتىلەدى, بۇرشاق جاۋى دا مۇمكىن.
الايدا اۋا تەمپەراتۋراسىنىڭ تومەندەۋى رەسپۋبليكانىڭ وڭتۇستىك وڭىرلەرىنە اسەر ەتپەيدى. ولار ءالى دە جىلى اۋا ماسسالارىنىڭ ىقپالىندا بولادى. وڭتۇستىك-شىعىستا وتكىنشى جاڭبىر جاۋىپ, كۇن كۇركىرەيدى.
