بقو پوليتسيا دەپارتامەنتىنىڭ رەسمي وكىلى بولاتبەك بەلگىبەكوۆ ءمالىم ەتكەنىندەي, 25 مامىر كۇنى ساعات 22:00-دە 102 تەلەفونىنا كوپ قاباتتى ءۇيدىڭ اۋلاسىندا كورشىلەر اراسىندا جانجال تۋىنداپ جاتقانى جونىندە حابار تۇسكەن.
«پاترۋلدىك جاساق وقيعا ورنىنا كەلگەننەن كەيىن جانجالعا قاتىسۋشىلاردىڭ قۇقىققا قايشى ءىس-ارەكەتتەرى تىيىلدى. الدىن الا مالىمەت بويىنشا, بىرنەشە ادامنىڭ دەنە جاراقاتىن العانى بەلگىلى بولدى. الدىمەن بالالار ءوزارا سوزگە كەلگەن. سودان كەيىن اتا-انالار كىرىسىپ, ۇرىس-كەرىس جۇدىرىق جۇمساۋعا ۇلاسقان. جانجالعا قاتىسۋشىلار مەن كۋاگەرلەر سۇرالۋدا. تولىق اقپارات كەيىن بەرىلەتىن بولادى», دەپ حابارلادى ۆەدومستۆودان.
