فرانتسۋز دەپۋتاتىمەن اڭگىمە

پارتيانىڭ ورتالىق اپپاراتى كەڭسەسىندە “نۇر وتان” پارتياسى توراعاسىنىڭ ءبىرىنشى ورىنباسارى نۇرلان نىعماتۋلين فرانتسيا رەس­پۋبليكاسى پارلامەنتى ۇلتتىق اسسامبلەياسىنىڭ دەپۋتاتى, “حا­لىق قوزعالىسى ءۇشىن وداعى” پار­تيا­سىنىڭ حالىقارالىق ىستەر ءجونىن­دەگى وكىلەتتى وكىلى تەرري ماريانيمەن كەزدەستى, دەپ حابار­لا­دى وسى پار­تيا­نىڭ ءباسپاسوز قىزمەتى. كەزدەسۋ بارىسىندا نۇرلان نىعماتۋلين پارتيا جۇمىسىنىڭ باسىم باعىتتارى تۋرالى, قازاق­ستان رەسپۋبليكاسىنىڭ پرەزي­دەنتى, “نۇر وتان” پارتياسىنىڭ توراعاسى نۇرسۇلتان نازارباەۆتىڭ پارتيانىڭ الدىنا قويعان ماقسات-مىندەتتەرى جايلى باياندادى. تاراپتار باسقارۋشى ەكى پار­تيانىڭ: “نۇر وتان” حالىق­تىق-دەموكراتيالىق پارتياسى مەن “حا­لىق قوزعالىسى ءۇشىن وداعى” پارتيا­سى اراسىندا جاقىن قارىم-قاتىناس ورناعانىن اتاپ ءوتتى. ايتالىق, پارتيالار اراسىندا ىن­تى­ماقتاستىق تۋرالى مەمو­راندۋمعا قول قويىلدى, ەكى پارتيا دا مۇشە­سى سانالاتىن ورتالىقتان­دىرىلعان ينتەرنا­تسيونال دەموكراتيالىق پار­تيالار اتقارۋشى كوميتەتى اياسىندا بەلسەندى ءىس-ارەكەت تانى­تىپ كەلەدى.  سونداي-اق, بولاشاقتا جۇزە­گە اسىرىلاتىن باسىم باعىت­تار ءسوز بولىپ, ەكى جاق­تى ءارىپ­تەستىكتىڭ ودان ءارى كەزەڭمەن دامي بەرەتىنىنە سەنىم ءبىلدىرىلدى. ءوز كەزەگىندە ت.ماريانني قازاقستاننىڭ ورتالىق ازياداعى ساياسي تۇراقتىلىقتى, ەقىۇ كەڭىس­تىگىندە قاۋىپسىزدىكتى نىعايتۋداعى ماڭىزدى ءرولىن اتاپ ءوتتى.