«ەندى قازاقستان رەسپۋبليكاسى اۋماعىنا ەلەكتر كولىكتەرىن, ەلەكتر اۆتوبۋستاردى نەمەسە ەلەكتر جۇك ماشينالارىن اكەلۋ كەزىندە كولىك قۇرالى ءۇشىن كادەگە جاراتۋ تولەمى تالاپ ەتىلمەيدى. بۇل باستامانى وكم وپەراتورى 2020 جىلى ۇسىنعان بولاتىن. وسى ماسەلە جان-جاقتى پىسىقتالىپ, تالقىدان وتكەن سوڭ, قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ رەسمي قۇجاتقا 2021 جىلدىڭ 13 مامىردا قول قويدى», دەپ حابارلادى وندىرۋشىلەردىڭ كەڭەيتىلگەن مىندەتتەمەلەرى وپەراتورى.
بۇعان دەيىن م1 ساناتىنداعى ەلەكتر قوزعالتقىشى بار اۆتوموبيل ءۇشىن كادەگە جاراتۋ تولەمى 437 550 تەڭگە, م2, م3 ساناتى ءۇشىن 1 166 800 تەڭگە بولعان ەدى. جۇك كولىك قۇرالدارى ءۇشىن كادەگە جاراتۋ تولەمىنىڭ مولشەرى 1 020 950 تەڭگەدەن باستالدى.
«قازاقستان اۆتوموبيل بيزنەسى قاۋىمداستىعىنىڭ اقپاراتى بويىنشا, بۇگىندە ەلىمىزدە 422 ەلەكتر كولىگى تىركەلگەن. ەكولوگيا مينيسترلىگى بۇل شارالار قازاقستاندا ەلەكتروموبيل ءوندىرىسىن ىنتالاندىرۋعا, ەكولوگيالىق تازا كولىك قۇرالدارىن ساتىپ الۋعا سۇرانىستى ارتتىرادى دەپ ەسەپتەيدى. قازىرگى ۋاقىتتا وكم وپەراتورى ەلەكتر قۋاتتاۋ ستانسالارىنىڭ ينفراقۇرىلىمىن دامىتۋ جوباسى اياسىندا نۇر-سۇلتان جانە الماتى قالالارىندا جانە نۇر-سۇلتان-بۋراباي باعىتىندا 103 جىلدام ەلەكتر قۋاتتاۋ ستانسالارىن ورناتۋدى اياقتادى», دەيدى وكم وپەراتورى.
