تەلەارنانىڭ مالىمەتىنشە, ەر ادامعا اناسىنىڭ جاساعان ەسكەرتۋى ۇناماي قالسا كەرەك, وسىدان كەيىن ول قارت اجەيگە جۇدىرىق الا جۇگىرگەن. ونىڭ ىشىنەن تەۋىپ, باسىنان ۇرعان. جابىرلەنۋشى وقيعا بولعان كۇننىڭ ەرتەسىنە دارىگەرلەردىڭ كومەگىنە جۇگىنگەن.
دارىگەرلەر جابىرلەنۋشىنىڭ جاعدايىن كورگەندە جاعاسىن ۇستاعان. قارت انانىڭ باس سۇيەك-مي جاراقاتىن العانى, بىرنەشە جەردەن سۇيەگى سىنعانى, وكپەسىنە زاقىم كەلگەنى جانە دەنساۋلىعىنا وزگە دە زيان كەلگەنى انىقتالعان. العان جاراقاتتارىنىڭ سالدارىنان زارداپ شەگۋشى قايتىس بولعان.
ۇلى ءوز كىناسىن مويىنداپ وتىر. ەر ادام 6 جىلعا باس بوستاندىعىنان ايىرىلدى. ريددەر قالالىق سوتىنىڭ سۋدياسى اينۇر راحيموۆا اتاپ وتكەندەي, ۇكىم شىعارۋ كەزىندە بىرقاتار جاعدايلار ەسكەرىلگەن.
