دوستىق دانەكەرى

ءىV كاسپي مۇناي-گاز ساۋدا كولىكتىك كونفەرەنتسياسى ءوتتى كاسپي تەڭىزى ايماعىنداعى ەل­دەردىڭ جالپى مۇناي-گاز ءونىم­دەرىنىڭ ساپاسىن ارتتىرۋ, ساۋدا-كولىكتىك ينفراقۇرىلىمدى, ترانزيتتىك سالانى دامىتۋ, ەكسپورتتىق جۇيەنى قالىپتاستىرۋ ماسەلەلەرىن قوز­عايتىن مۇنداي باسقوسۋ وسىعان دەيىن ءۇش مارتە باكۋدە ءوتىپتى. بۇل جولعى كونفەرەنتسيا ماڭعىستاۋ وبلىستىق اكىمدىگى, كولىك جانە كوممۋنيكاتسيا, مۇناي جانە گاز مينيسترلىكتەرى, وبلىستىق ساۋدا-ونەركاسىپتىك پالا­تاسىنىڭ قولداۋىمەن ء“Contىdence ءCapىtal” كومپانياسى ۇيىمداستىردى. ەلىمىزدە العاش وتكەن باسقوسۋ جايلى وبلىس اكىمى قىرىمبەك كوشەرباەۆ وسىناۋ يگى شارا ءبىزدىڭ ەلىمىزدىڭ جوعارى رەيتينگىن تاعى دا دالەلدەپ, ۇزاق مەرزىمدى كەمەل ارىپتەستىككە جول اشاتىن جاعىمدى ينۆەستيتسيالىق كليماتتىڭ ورناعاندىعىنىڭ جەمىسى. بۇل ەقىۇ-عا توراعالىق ەتۋشى تاۋەلسىز قازاقستاننىڭ تمد ەلدەرى اراسىندا كوشباسشى ورىندا ەكەن­دىگىنىڭ بەلگىسى. بۇل ەلباسى نۇرسۇل­تان نازارباەۆتىڭ جۇرگىزىپ وتىرعان سارابدال ساياساتىنىڭ تاعى ءبىر بەدەرلى كورىنىسى, دەدى. بۇل پىكىردى ءوز كەزەگىندە ءسوز العان شەتەلدىك قوناق­تار – ۇلىبريتانيا ەلشىلىگىنىڭ ەكىن­شى حاتشىسى مارتين چايلد, ء“Contىdence ءCapىtal Ltd” كومپانيا­سى­نىڭ باس ديرەكتورى اندرەي رۋدەنكو جانە باسقالار تولىقتىرا ءتۇستى. كونفەرەنتسيادا كولىك جانە كوم­مۋنيكاتسيا مينيسترلىگىنىڭ باسقارما باستىعى ت.قوڭقاقوۆ, ماڭعىستاۋ وبلىسى اكىمىنىڭ ءبىرىنشى ورىنباسارى ا.ايتقۇلوۆ, ازيا دامۋ بانكىنىڭ وكىلى س.ۆەرمەرت, رەسەي, ءازىربايجان, تۇركىمەنستان ەنەرگەتيكالىق زەرت­تەۋ­لەر كەمبريدج اسسوتسياتسيا­سى­نىڭ, ترانسكاسپي قۇبىر كونسور­تسيۋمىنىڭ وكىلدەرى بايانداما جاساپ, وي-پىكىر ءبولىستى. كونفەرەنتسيا اياسىندا ماڭعىس­تاۋ وبلىسىنداعى ەنەرگەتيكا قۇرى­لىمىنىڭ دامۋى, جالپى كاسپي ءوڭىرىنىڭ نەگىزگى سەرپىندى جوبالارى, وسى وڭىردەن كومىرسۋتەگى شيكىزات­تارىنىڭ ەكسپورتتالۋى, كاسپي تەڭىز پورتتارىنىڭ ءرولىن ارتتىرۋ ماسەلەلەرى كەڭىنەن تالقىلاندى. جولامان بوشالاق, اقتاۋ.