جۇمىسپەن قامتۋ شارالارى قالاي جۇزەگە اسىرىلىپ جاتىر؟

ەڭبەك جانە حالىقتى الەۋمەتتىك قورعاۋ ءمينيسترى ءوز سوزىندە وتكەن جىلدان باستاپ قازاقستاندا داعدارىسقا قارسى ءىس-شارالار پاكەتى شەڭبەرىندە جۇمىسپەن قامتۋدىڭ جول كارتاسى ىسكە اسىرىلىپ جاتقانىن ەسكە سالدى.

2020 جىلى جقجك اياسىندا قۇرىلىس, رەكونسترۋكتسيالاۋ, كۇردەلى جانە اعىمداعى جوندەۋ جۇمىستارى بويىنشا 6,6 مىڭ ينفراقۇرىلىمدىق جوبا ىسكە اسىرىلدى. 239 مىڭ ادام جۇمىسپەن قامتىلدى, ونىڭ 120 مىڭى جۇمىسپەن قامتۋ ورتالىقتارىنىڭ جولدامالارى بويىنشا جۇمىسقا ورنالاستىرىلدى.

«جۇمىسپەن قامتۋدىڭ جول كارتاسى 3 اۋىسىمدى جانە اپاتتى مەكتەپتەردىڭ پروبلەمالارىن ءىشىنارا شەشۋگە, اۋىل تۇرعىندارىنىڭ ءبىلىم الۋعا, دەنساۋلىق ساقتاۋعا جانە تازا اۋىز سۋعا قول جەتكىزۋىنە, سۋارمالى جانە جايىلىمدىق جەرلەر كولەمىن ۇلعايتۋعا, اۋىلدىق ەلدى مەكەندەردى گازداندىرۋعا مۇمكىندىك بەردى. سونداي-اق جقجك جۇمىسسىزدىقتىڭ 4,9% دەڭگەيىندە ساقتالۋىنا ىقپال ەتتى», دەپ حابارلادى سەرىك شاپكەنوۆ.  

اعىمداعى جىلى جۇمىسپەن قامتۋدىڭ جول كارتاسىن ىسكە اسىرۋعا 300 ملرد تەڭگە كوزدەلگەن. ونىڭ ىشىندە ۇلتتىق بانكتىڭ وبليگاتسيالىق قارىزى ەسەبىنەن 200 ملرد تەڭگە قاراستىرىلعان.

جقجك حالىقتىڭ ءومىر ءسۇرۋ ساپاسىن ارتتىرۋ; شوب ءۇشىن قارجىلاندىرۋدىڭ قولجەتىمدىلىگىن ارتتىرۋ; اگروونەركاسىپتىك كەشەندى دامىتۋ; وڭىرلەردە بيزنەستى دامىتۋ سياقتى ءتورت باعىت بويىنشا ىسكە اسىرىلادى.

«قارجىلاندىرۋ ليميتتەرى جۇمىس كۇشىنىڭ ۇلەسىنە سايكەس ايقىندالىپ, وڭىرلەر بويىنشا ءبولىندى. قاراجاتتىڭ نەگىزگى بولىگى 42,5% (127,5 ملرد تەڭگە) حالىقتىڭ ءومىر ءسۇرۋ ساپاسىن ارتتىرۋعا, 33,3% (100 ملرد تەڭگە) اگروونەركاسىپتىك كەشەندى دامىتۋعا, 24,2% (72,5 ملرد تەڭگە) وڭىرلەردە بيزنەستى دامىتۋعا جانە «اتامەكەن» ۇكپ مەن جەرگىلىكتى اتقارۋشى ورگانداردىڭ قاتىسۋىمەن ميكروقارجى ۇيىمدارى ارقىلى ميكروكرەديت بەرۋگە باعىتتالعان», دەپ ءتۇسىندىرىپ ءوتتى مينيستر.

سونداي-اق سەرىك شاپكەنوۆ ءبىرىنشى باعىت بويىنشا 136 جوبا ىسكە اسىرىلاتىنىن, ولاردا بارلىعى 19 مىڭ جۇمىس ورنى قۇرىلاتىنىن, ونىڭ 7,5 مىڭى تۇراقتى بولاتىنىن حابارلادى.

«64 جاڭا مەكتەپتىڭ, 13 دەنساۋلىق ساقتاۋ نىسانىنىڭ قۇرىلىسى, سۋارۋ كەشەنىن جاڭارتۋ جانە تۇكش جۇيەسىن جاڭعىرتۋ بويىنشا جۇمىستار جۇرگىزىلەتىن بولادى. جوبالاردى ىرىكتەۋ كەزىندە تۇراقتى جۇمىس ورىندارىن قۇرۋعا جانە 3 اۋىسىمدى جانە اپاتتى مەكتەپتەردىڭ كەيبىر ماسەلەلەرىن شەشۋگە, اۋىل تۇرعىندارىنىڭ دەنساۋلىق ساقتاۋ مەن تازا اۋىز سۋعا قول جەتكىزۋىن قامتاماسىز ەتۋگە, سۋارمالى جانە جايىلىمدىق جەرلەردىڭ اۋدانىن ۇلعايتۋعا باسا نازار اۋدارىلدى», دەپ تولىقتىردى ەڭبەكمينىنىڭ باسشىسى.

مەملەكەت باسشىسىنىڭ تاپسىرماسى بويىنشا «شوب ءۇشىن قارجىلاندىرۋدىڭ قولجەتىمدىلىگىن ارتتىرۋ» ەكىنشى باعىتى شەڭبەرىندە 6%-عا دەيىنگى مولشەرلەمەمەن جەڭىلدەتىلگەن ميكروكرەديتتەر بەرۋ كوزدەلگەن. وڭىرلەردە ميكروكرەديت بەرۋ قۇرالىن ىسكە اسىرۋدىڭ تيىمدىلىگىن قامتاماسىز ەتۋ ءۇشىن «اتامەكەن» ۇكپ جانە جەرگىلىكتى اتقارۋشى ورگانداردىڭ قاتىسۋىمەن 15 ميكروقارجى ۇيىمى قۇرىلدى.

«22,5 ملرد تەڭگە سوماسىنا 5,4 مىڭ جوبادان تۇراتىن ءتىزىم جاسالدى, ول ەت ونىمدەرىن ءوندىرۋ جانە قايتا وڭدەۋ, ءسۇت, تاماق ونەركاسىبى, قىزمەت كورسەتۋ جانە باسقا دا سالالارداعى جوبالاردى قامتيدى. ميكروكرەديت الۋشىلار 10,6 مىڭ قوسىمشا جۇمىس ورنىن اشادى», دەدى سەرىك شاپكەنوۆ.

اگروونەركاسىپ كەشەنىن دامىتۋ باعىتى بويىنشا اۋىل شارۋاشىلىعى مينيسترلىگى جانە «بايتەرەك» حولدينگى بىرلەسىپ, سوڭعى قارىز الۋشى ءۇشىن 6% - عا دەيىنگى مولشەرلەمەمەن 100 ملرد تەڭگە سوماسىنا 42 ينۆەستيتسيالىق جوبانى ىسكە اسىراتىن بولادى (مولشەرلەمەنى سۋبسيديالاۋدى ەسكەرە وتىرىپ).

جوبالار مىناداي شارتتار بويىنشا ىرىكتەلدى: جۇمىسپەن قامتۋدى قولداۋ جانە جۇمىس ورىندارىن قۇرۋ; پىسىقتالۋدىڭ جوعارى دەڭگەيى; ازىق-ت ۇلىك تاۋارلارىنىڭ يمپورتىن قىسقارتۋ.

2,2 مىڭ ۋاقىتشا جانە 3,8 تۇراقتى جۇمىس ورنى قۇرىلادى.

بيزنەستى دامىتۋ شەڭبەرىندە وڭىرلەردە جەڭىلدىكپەن كرەديت بەرۋ جانە بيزنەس سۋبەكتىلەرىنە قارىز بەرۋ, سونداي-اق جارعىلىق كاپيتالعا ينۆەستيتسيالاۋ, قارجىلىق ەمەس قولداۋ كورسەتۋ ەسەبىنەن 6 مىڭعا جۋىق جۇمىس ورنى قۇرىلاتىن بولادى.

«اعىمداعى جىلى جۇمىسپەن قامتۋدىڭ جول كارتاسىن ىسكە اسىرۋ 35,6 مىڭ جۇمىس ورنىن قۇرۋعا مۇمكىندىك بەرەدى, ونىڭ 55%-دان استامى تۇراقتى بولادى (20,3 مىڭ). وتباسى مۇشەلەرىن ەسكەرە وتىرىپ, شامامەن 80 مىڭ ادام تۇراقتى تابىسپەن قامتاماسىز ەتىلەدى. سونداي-اق جقجك الەۋمەتتىك اكتيۆتەردى قۇرۋ ارقىلى الەۋمەتتىك ينفراقۇرىلىمدى جاقسارتۋعا; جاڭا وندىرىستەردى قۇرۋ ەسەبىنەن نارىقتى وتاندىق ءوندىرىس ونىمدەرىمەن تولىقتىرۋعا; ەلدىڭ ءجىو قۇرىلىمىندا شاعىن جانە ورتا بيزنەستىڭ ۇلەسىن ارتتىرۋعا ىقپال ەتەتىن بولادى», دەپ تۇيىندەدى سەرىك شاپكەنوۆ.