ۇلتتىق ەكونوميكا مينيسترلىگى ازىرلەگەن سايلاۋ زاڭناماسىنا ەنگىزىلگەن وزگەرىستەردىڭ ناتيجەسىندە اكىم سايلاۋىنا ۇمىتكەرلەر ۇسىنۋدىڭ ەكى تەتىگى پايدا بولدى: تىركەلگەن ساياسي پارتيالار اتىنان ۇسىنۋ جانە ءوزىن ءوزى ۇسىنۋ.
كانديداتۋرانىڭ ارالاس تەتىگى ازاماتتىق قوعامدى دامىتۋ جانە ازاماتتاردى شەشىم قابىلداۋ پروتسەسىنە تارتۋ ءۇشىن ماڭىزدى.
شەتەلدەردىڭ تاجىريبەسى كورسەتكەندەي, زاڭناما پارتياسىز كانديداتتاردىڭ مەر لاۋازىمىنا سايلانۋ مۇمكىندىگىن قامتاماسىز ەتسە, سايلاۋشىلار جەرگىلىكتى ساياساتقا بەلسەندى قاتىسادى. مۇنداي تەتىكتەر كانديداتتار ءۇشىن پارتيالىق بيلەتتىڭ بولۋىنا قاراماستان, سايلانۋعا مۇمكىندىك بەرىپ قانا قويمايدى, سونىمەن بىرگە جەرگىلىكتى سايلاۋعا قاتىسۋدى ەداۋىر ارتتىرادى. بۇل كەيىننەن ۇلكەن سايلاۋدىڭ, ياعني پارلامەنتتىك جانە پرەزيدەنتتىك سايلاۋعا ازاماتتاردىڭ كوپتەپ قاتىسۋىنا ىقپال ەتەدى.
اۋىل, كەنت, اۋىلدىق وكرۋگ اكىمدەرىن تىكەلەي سايلاۋ وسى سايلاۋ پروتسەسىن دەربەستەندىرۋدى بىلدىرەدى, ياعني سايلاۋشىلار بەلگىلى ءبىر ساياسي تۇلعانى تاڭداي وتىرىپ, جەرگىلىكتى اتقارۋشى ورگاندى كىم باسقاراتىنى تۋرالى كوبىرەك بىلەتىن بولادى.
جاڭا سايلاۋ پروتسەسىنىڭ تاعى ءبىر جاعىمدى مۋلتيپليكاتيۆتى اسەرى – پارتيالاردىڭ ەلەكتورات الدىنداعى جاۋاپكەرشىلىگىن ارتتىرۋ بولادى. ويتكەنى پارتيالىق كانديداتتار وزدەرىنىڭ جەڭىسى مەن اكىم بوپ سايلانۋى ءۇشىن ەلەكتوراتتىڭ ناقتى قولداۋىنا يە بولۋى كەرەك. بۇل پارتيالار ءوز ستراتەگيالارىن وزگەرگەن جۇيەگە بەيىمدەۋى كەرەك دەگەندى بىلدىرەدى. ول ءۇشىن ولار حالىققا ۇنايتىن كانديداتتاردى ۇسىنۋى كەرەك, ويتكەنى بۇدان بىلاي سايلاۋشىلار پارتيا نەمەسە پارتيالىق ءتىزىمدى ەمەس, جەرگىلىكتى دەڭگەيدەگى ساياسي قايراتكەردى, كوشباسشىنى تاڭدايدى. وسىلايشا, جاڭا سايلاۋ جۇيەسى مەنەدجەرلەردىڭ جاڭا بۋىنىنا ءوزىن دالەلدەۋگە مۇمكىندىك بەرەدى.
جەرگىلىكتى دەڭگەيدەگى سايلاۋ پروتسەسىنىڭ قازاقستاندىق رەفورماسى جەرگىلىكتى باسقارۋ ورگاندارىنىڭ مارتەبەسىن ارتتىرۋدا, سايلانعان باسقارۋشىلاردىڭ حالىق الدىنداعى جاۋاپكەرشىلىگىن ارتتىرۋدا, حالىقتىق باقىلاۋدى كۇشەيتۋدە جانە ازاماتتىق قوعام ينستيتۋتتارىن دامىتۋدا ماڭىزى زور.
ايدانا اكەسينا,
پرەزيدەنت جانىنداعى قسزي الەۋمەتتىك-ساياسي زەرتتەۋلەر ءبولىمنىڭ عىلىمي قىزمەتكەرى
