«ىزگىلىكتى قوعام» ىزگى ادامنان باستالادى

اتالعان سەمينار-ترەنينگ تۇركىستان مەن كەنتاۋ قالالارىندا باستالىپ، وبلىس بويىنشا بارلىق اۋدان مەن قالانى قامتىدى. وندا تاجىريبەلى پسيحولوگ مامان ادامنىڭ ويى مەن ەموتسياسى، ىشكى سەزىمدەرى ارقىلى دۇرىس جۇمىس ىستەۋ تۋراسىندا پسيحولوگيالىق تەراپيا وتكىزدى. كەلەڭسىز جاعدايعا تاپ بولعان جاستارعا ماسەلەدەن شىعۋ جولدارى بويىنشا سەمينار جۇرگىزىلدى. ودان بولەك، ترەنينگ بارىسىندا جاستاردىڭ كوشباسشىلىق قابىلەتىن ارتتىرۋ، وزىندىك قالىپتاسۋىنا ىقپال ەتەتىن جاتتىعۋلار كورسەتىلدى.

بۇل پسيحولوگيالىق سەمينار-ترە­نينگ­تى ۇيىمداستىرعان وبلىستىق «جاستار رەسۋرستىق ورتالىعىنىڭ» باس­شىسى امالبەك ءومىرتايدىڭ ايتۋىنشا، بۇل ءىس-شارا جاستاردىڭ قوعامدا ءوز ورنىن تابۋىنا، ەموتسياسىن باسقارۋىنا، وي­لاۋ جۇيەسىنىڭ دامۋىنا ىقپال ەتەدى.

پاندەمياعا بايلانىستى ونلاين جانە وفلاين فورماتتا جۇرگىزىلگەن سەمينار-ترەنينگكە 3200 جاس قاتىستى. ونىڭ ىشىندە كارانتيندىك تالاپتار قاتاڭ ساقتالا وتىرىپ، 800 ادام وفلاين فورماتتا ساباق السا، 2400 جاس Zoom پلاتفورماسى ارقىلى ونلاين قاتىسىپ، پايدالى اقپاراتپەن سۋسىندادى.

ۇيىمداستىرۋشىلاردىڭ ايتۋىنشا، بۇل ءىس-شارا ەلىمىزدەگى توتەنشە جاعدايعا بايلانىستى ءوڭىر جاستارى ءۇشىن پايدالى بولدى. سەبەبى ادام ۇزاق ۋاقىت ۇيدە وتىرۋ جانە ۇنەمى تسيفرلى قۇرىلعىلارعا قاراپ وتىرۋ اسەرىنەن پسيحولوگيالىق داعدارىسقا تۇسەتىنى انىق.

پسيحولوگتەر قازىرگى تاڭدا جاستاردىڭ بويىنا ءۇمىت پەن سەنىم ۇيالاتۋ ارقىلى جىلى سەزىمدەردى دامىتۋ كەرەك ەكەندىگىن ايتادى. پسيحولوگيالىق ترەنينگ بارىسىندا جاستار مەن جاسوسپىرىمدەر اراسىندا ءومىردىڭ داعدارىس كەزەڭدەرىندە جاعدايدان شىعا ءبىلۋ ماڭىزدىلىعى ءسوز بولىپ، ونىڭ جولدارى تالقىلاندى. وعان قوسا، دەلينكۆەنتتى (زاڭ بۇزۋ) جانە اۋتودەسترۋكتيۆتى مىنەز-ق ۇلىقتىڭ الدىن الۋ، سىندارلى تۇردە ماقساتقا قول جەتكىزۋ بويىنشا پسيحولوگيالىق باعىت-باعدار بەرىلدى.

سەمينار-ترەنينگتە قامتىلعان وزەك­تى ماسەلەلەرىنىڭ ءبىرى – بۇگىنگى جاستار­دىڭ ءوز-وزىنە قول جۇمساۋى. وسى رەتتە ءسۋي­تسيدتىڭ الدىن الۋ، جاقىن ادامدارمەن كۇندەلىكتى قارىم-قاتىناستا دۇرىس بولۋ، جان دۇنيەگە ۇڭىلە وتىرىپ، ساۋ ازاماتتى قالىپتاستىرۋ جولدارى تالقىلانىپ، ماماندار ءوز تاجىريبەلەرىن ءبولىستى. 

جاستار اراسىندا وزەكتى ماسەلە­لەردى الدىن الۋ ماقساتىندا ۇيىمداس­تىرىلعان «ىزگىلىكتى قوعام» وبلىستىق سەمينار-ترەنينگى ءوڭىر جاستارىنا ەرەك­شە سەرپىلىس بەرگەن جوبا بولدى. سەبەبى جوبا فورماتى ەركىن بول­عان­دىقتان، ەڭ الدىمەن، جاستار ءبىر-ءبىرىن تانىپ ءبىلۋ ءۇشىن «بۇگىنگى كۇنگە سالەم!» دەگەن ويىن ارقىلى تانىسىپ كوڭىل كوتەرسە، ەكىنشى رەتتە جاستارعا سالماقتى وي سالار «وتباسىنداعى قا­رىم-قاتىناس» تاقىرىبىندا اڭگىمە ءوربىدى. ارينە، اتالعان تاقىرىپتا ءار جاستىڭ ءوز كوز­قاراسى بارى انىق. ولار ءوز ويىن ورتاعا سالىپ، پىكىرىن ورتاعا سال­دى. ويدان وي تۋادى دەمەكشى، جاستار ءبىر-بى­رىنە جاقسى وي ايتىپ، ۇلگى بولا العانداي. 

دەسە دە قازىرگى جاستاردىڭ بەلسەن­دىلىگى ولاردىڭ پسيحولوگيا ىلىمىنەن الىس ەمەستىگىن، داعدارىستىڭ الدىن الۋ­عا تىرىساتىندىعىن بايقاتتى. ال سەمينار-ترەنينگ جاستارعا جەكە تۇل­عا رەتىندە دامۋعا، پسيحيكالىق دەن­ساۋلىقتى نىعايتۋ مەن جەتىلدىرۋگە، ءوزىن ءوزى دۇرىس باعالاۋدى جانە ءوز قابىلەتتەرى مەن مۇمكىندىكتەرىنە دەگەن سەنىمدىلىكتى ارتتىرۋعا، سونداي-اق  شيەلەنىسكەن شەكتەۋلى جاعدايلاردا پسيحولوگيالىق تۇرعىدان ۇتقىر بولۋ قابىلەتىن مەڭگەرۋگە ىقپال ەتتى.