بۇگىن, 24 مامىر كۇنى ساعات 13.00 كەزىندە ۇلتتىق ۇلان اسكەري ينستيتۋتىنىڭ اسكەري قىزمەتشىسى اعا لەيتەنانت دوسكەن ەسجانوۆ قىزمەتكە دايىندالىپ جاتقاندا, جامبىل كوشەسىندە ورنالاسقان ءوز ءۇيىنىڭ پودەزىنەن ءتۇتىندى بايقاپ, بىردەن ءورت ءسوندىرۋ قىزمەتىنە حابارلاسادى.
ءورت كوپقاباتتى ءۇيدىڭ 7-ءشى قاباتىندا ورنالاسقان پاتەر تەرەزەسىنەن باستاۋ العان. وقيعا ورنىنا ءورت ءسوندىرۋ قىزمەتى كەلگەنشە ۇلتتىق ۇلان وفيتسەرى ءورتتى اۋىزدىقتاپ, تۇرعىنداردى پودەزدەن قاۋىپسىز جەرگە جىلدام الىپ شىعادى.
دوسكەن ءورت ءسوندىرۋ قىزمەتكەرلەرىمەن بىرلەسىپ, جالپى سانى سەگىز ادامدى قاۋىپتەن قۇتقاردى, ونىڭ ەكەۋى – بالالار.
ۇلاندىق وفيتسەردىڭ كاسىبي جانە شۇعىل ارەكەتىنىڭ ارقاسىندا ءورت كەزىندە ەشكىم زارداپ شەككەن جوق.
