«تەكسەرۋ كەزىندە «ونلاين كازينو» ءۇشىن تىيىم سالىنعان بيزنەس ءتۇرىن ۇيىمداستىرۋعا مۇمكىندىك بەرەتىن قوسىمشالارىمەن, اتاپ ايتقاندا ستاۆكالاردى قابىلداۋ, ۇتىستاردى ەسەپتەۋ جانە اقشا بەرۋ فۋنكتسيالارىن قولدايتىن ونلاين قۇمار ويىندارى بار 42 ويىن كومپيۋتەرى تاركىلەنىپ الىندى», دەلىنگەن الماتى قالاسى بويىنشا ەكونوميكالىق تەرگەۋ دەپارتامەنتىنىڭ حابارلاماسىندا.
بۇعان دەيىن وسى مەكەنجايدا 62 ويىن كومپيۋتەرى مەن 3 ويىن تەرمينالى تاركىلەنىپ, وسى تۇلعالار ۇيىمداستىرعان ويىن زالىنىڭ زاڭسىز قىزمەتىنىڭ جولى كەسىلگەن بولاتىن.
«گرۋزيانىڭ ەكى ازاماتى قر قك 307-بابىنىڭ 3-ءبولىمى 2-تارماعى (اسا ءىرى مولشەردە تابىس تابۋمەن زاڭسىز ويىن بيزنەسىن ۇيىمداستىرۋ) بويىنشا قىلمىس جاساعانى ءۇشىن كىنالى دەپ تانىلىپ, 4,6 جىلعا باس بوستاندىعىنان ايىرىلدى», دەپ اتاپ ءوتتى باسقارماداعىلار.
سونداي-اق سوتتا زاڭسىز ويىن بيزنەسى ءۇشىن ءۇي-جايدى جالعا بەرۋشىگە قاتىستى سوتقا دەيىنگى تەرگەۋ قاراستىرىلۋدا.
