25-26 مامىردا قازاقستان اۋماعىندا ناعىز جازعى اۋا رايى باستالادى.
«وڭتۇستىكتەن ويىسقان جىلى جانە قۇرعاق اۋا ماسسالارى ەلىمىزدە اپتاپ ىستىق پەن قۇرعاقشىلىقتىڭ ورىن الۋىنا تۇرتكى بولادى. ەلىمىزدىڭ باتىسىندا 30 ... 39 ° س اپتاپ ىستىق كۇتىلەدى, ءتىپتى سولتۇستىك جارتى بولىكتە دە كۇندىزگى ۋاقىتتا سىناپ باعانى 32 ... 38 ° س كورسەتەدى. بىراق رەسپۋبليكامىزدىڭ وڭتۇستىك جانە شىعىس جارتى بولىگى دە قالىس قالايىن دەپ تۇرعان جوق, سىناپ باعانى قارقىندى جىلدامدىقپەن كوتەرىلىپ, وڭتۇستىكتە 30 ... 40 ° س, شىعىستا 30 ... 36 ° س دەيىن اپتاپ ىستىق بولادى», دەپ حابارلادى «قازگيدرومەت» رمك.
الايدا, 27 مامىردان باستاپ باتىس ەۋروپا ايماقتارىنان انتيتسيكلون باتىسقا, سوسىن سولتۇستىك ايماقتارعا ىعىسىپ كەلەدى. سۋىق سولتۇستىك اۋا اعىنى باتىس وبلىستاردا تەمپەراتۋرانىڭ ايتارلىقتاي تومەندەۋىنە, ياعني 25 ... 33 ° س دەيىن, سولتۇستىكتە 18 ... 28 ° س دەيىن الىپ كەلەدى.
