«باسىندا تۇرعىندارعا ۇسىنعان جوبادا بۇل جەردە ءبىزدىڭ ۇيدەن باسقا قۇرىلىس بولمايدى دەلىنگەن. ۋاقىت وتە كەلە كوگالاداندىرۋعا ارنالعان الاڭدا 12 قاباتتى عيمارات پايدا بولاتىن بولدى. ەڭ سوراقىسى – بۇل جوبامەن بارلىق بيلىك كەلىسكەن, ءتىپتى جوبانىڭ مەملەكەتتىك ساراپتاماسى دا بار. پروكۋراتۋراعا شاعىمداندىق, بىراق ولار ءبىزدى قالالىق اكىمدىككە جىبەردى. ەگەر مەملەكەتتىك ورگاندار شەشىمدى جويماسا, تۇرعىندار سوتقا جۇگىنەدى. بۇل تۇتىنۋشىنىڭ قۇقىعىن بۇزۋ», دەپ جازدى جەلى قولدانۋشىلار.
سونداي-اق قالالىق جوسپارلاۋ جانە ۋربانيستيكا باسقارماسى قازاقستان رەسپۋبليكاسىنىڭ زاڭناماسىنا سايكەس قۇرىلىس سالۋشىعا تۇرعىن ءۇي كەشەنىنىن جوباعا دەيىنگى قۇجاتى بەرىلگەنىن مالىمدەدى.
«قۇرىلىس باستالعانعا دەيىن جوبا قازاقستان رەسپۋبليكاسىنىڭ قۇرىلىس نورمالارى مەن ەرەجەلەرىنە سايكەستىگىنە مىندەتتى مەملەكەتتىك ساراپتامادان وتەدى», دەپ حابارلادى باسقارما وكىلى.
