المالى اۋداندىق سوتى جك وكىلى جاننا نۇرتاەۆاعا قاتىستى ءىستى قر قك 339-بابى 1-بولىگى «وسiمدiكتەردىڭ سيرەك كەزدەسەتiن جانە قۇرىپ كەتۋ قاۋپi بار تۇرلەرىن جويۋ» بويىنشا قارادى.
«سوت جاننا نۇرتاەۆانى قازاقستاننىڭ قىلمىستىق كودەكسىنىڭ 339-بابى 1-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ, 55-بابىنىڭ 4-بولىگىن قولدانا وتىرىپ, 1500 اەك مولشەرىندە, ياعني 4 ميلليون 167 مىڭ تەڭگە سوماسىندا ايىپپۇل تۇرىندە جازا تاعايىندادى. ايىپپۇلدى تولەۋ مەرزىمى زاڭدى كۇشىنە ەنگەننەن كەيىن ەكى اي دەپ بەلگىلەنسىن», دەدى سۋديا.
ەسكە سالايىق, Sulpak دۇكەنىنىڭ ماڭىندا اعاشتاردىڭ كەسىلگەنىنە قالا تۇرعىندارى نارازىلىق بىلدىرگەن ەدى. جاسىل ەكونوميكا باسقارماسىنىڭ ءباسپاسوز قىزمەتى مەن Sulpak كومپانياسىنىڭ وكىلدەرى وسى جاعدايعا قاتىستى پىكىر بىلدىرگەن بولاتىن. سول پىكىرىندە «Arena S» (Sulpak ساۋدا ماركاسى) كومپانياسىنىڭ وكىلدەرى اعاشتار كەسىلگەن اۋماق كومپانيا مەنشىگىنە جاتپايتىنىن مالىمدەگەن ەدى.
كەيىنىرەك اعاشتاردىڭ كەسىلۋىنە بايلانىستى قالا اكىمدىگى وكىلدەرى پىكىر ءبىلدىرىپ, 13 ءتۇپ اعاشتى زاڭسىز كەسكەندەر جازالانعانىن ايتقان بولاتىن.
باستاپقىدا قىلمىستىق ءىس قك-ءنىڭ 340-بابى «اعاشتار مەن بۇتالاردى زاڭسىز كەسۋ نەمەسە جويۋ» بويىنشا تىركەلدى. الايدا كەيىن ءىس قك-ءنىڭ 339-بابى ەكىنشى بولىگىنە قايتا سارالاندى. ءىس بويىنشا نەگىزگى ايىپتالۋشى جك باسشىسى, ول جەر ۋچاسكەسىن اباتتاندىرۋ تۋرالى كەلىسىم جاساعان.
