قۇتقارۋشىلاردىڭ ديسپەتچەرلىك پۋنكتىنە 24 مامىر كۇنى تاڭعى ساعات 5.40-تا قۇرمانوۆ كوشەسىندەگى عيماراتتاردىڭ ءبىرى ورتەنىپ جاتقانى تۋرالى اقپارات كەلىپ تۇسكەن. وقيعا ورنىنا جەدەل جەتكەن ءورت سوندىرۋشىلەر ءتىلسىز جاۋدىڭ بەتىن قايتارىپ, قىزىل جالىننىڭ باسقا دا تۇرعىن ۇيلەرگە ءوتىپ كەتپەۋىن قامتاماسىز ەتتى.
سونداي-اق قۇتقارۋشىلار عيماراتتان ءتورت گاز باللونىن شىعارىپ, جارىلىستىڭ الدىن العان. زارداپ شەككەندەر مەن قازا تاپقاندار جوق.
قازىرگى تاڭدا ءورتتىڭ نەدەن شىققانىن جىلجىمالى زەرتحانا ماماندارى انىقتاپ جاتىر.
ء«ورت تاراعان اۋماق – 495 شارشى مەتر. ءتىلسىز جاۋمەن كۇرەسۋگە جەكە قۇرامنىڭ 40 قىزمەتكەرى مەن 9 بىرلىك تەحنيكا تارتىلدى. سونداي-اق جەدەل ارەكەت ەتۋ قىزمەتتەرىنىڭ ماماندارى جۇمىلدىرىلدى. ءورتتىڭ باسقا عيماراتتار مەن تۇرعىن ۇيلەرگە تارالۋىنا جول بەرمەدىك», دەدى الماتى وبلىستىق توتەنشە جاعدايلار دەپارتامەنتىنىڭ ءورت ءسوندىرۋ جانە اپاتتىق قۇتقارۋ جۇمىستارى قىزمەتى باستىعىنىڭ ورىنباسارى ازامات ەرجان ۇلى.
