سەناتورلار الداعى وتىرىستا «كۆازيمەملەكەتتىك سەكتوردىڭ جەكەلەگەن سۋبەكتىلەرىن ساتىپ الۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كۆازيمەملەكەتتىك سەكتوردىڭ جەكەلەگەن سۋبەكتىلەرىن ساتىپ الۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن قارايدى.
بۇل قۇجاتتار ۇلتتىق باسقارۋشى حولدينگتەردىڭ جۇمىس ىستەۋىن قامتاماسىز ەتۋ جانە جارعىلىق قىزمەتىن ورىنداۋ ءۇشىن قاجەتتى تاۋارلاردى, جۇمىستار مەن قىزمەتتەردى ساتىپ الۋدى رەتتەۋدىڭ زاڭنامالىق نەگىزىن قالىپتاستىرۋعا ىقپال ەتەدى. سونىمەن قاتار زاڭ جوباسىندا قازاقستان رەسپۋبليكاسىنىڭ جەكەلەگەن كۆازيمەملەكەتتىك سەكتور سۋبەكتىلەءرىن ساتىپ الۋ تۋرالى زاڭناما تالاپتارىنىڭ ساقتالۋىن باقىلاۋ رەگلامەنتى ناقتىلانادى جانە وعان ءىس-ارەكەتتەرگە شاعىمدانۋ جونىندەگى نورمالار ەنگىزىلەدى.
سەنات وتىرىسىندا دەپۋتاتتار «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن دا قارايدى.
بۇدان باسقا, بيۋرو وتىرىسى بارىسىندا ماجىلىستەن كەلىپ تۇسكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋداندىق, قالالىق جانە اۋىلدىق بيلىك دەڭگەيلەرىنىڭ دەربەستىگى مەن جاۋاپكەرشىلىگىن كەڭەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتى باس كوميتەت بولىپ بەلگىلەندى.
