قوعام • 24 مامىر، 2021

440 مىڭنان اسا وتباسى جاردەماقى الدى

2048 رەت كورسەتىلدى

2021 جىلعى قاڭتاردان ساۋىرگە دەيىن كوپبالالى وتباسىلارعا بەرىلەتىن مەملەكەتتىك جاردەماقى تولەمدەرىمەن جالپى سوماسى 92،8 ملرد تەڭگەنى قۇرادى. ورتا ەسەپپەن قازاقستانداعى 440،1 مىڭ وتباسى جاردەماقى الدى، دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

ءباسپاسوز قىزمەتىنىڭ مالىمەتتەرىنە قاراعاندا، 2021 جىلعى ساۋىردە جاردەماقىنىڭ بۇل ءتۇرىن 448،9 مىڭ وتباسى الدى. ولارعا بەرىگەن قارجى 23،6 ملرد تەڭگەنى قۇرادى. اتالعان مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى.

تولەمدەردىڭ مولشەرى بالالار سانىنا بايلانىستى سارالانعان:

4 بالاعا – 46 760 تەڭگە،

5 بالاعا – 58 457 تەڭگە،

6 بالاعا – 70 154 تەڭگە،

7 بالاعا – 81 852 تەڭگە،

8 بالاعا – 93 344 تەڭگە،

9 بالاعا – 105 012 تەڭگە،

10 بالاعا – 116 680 تەڭگە،

11 بالاعا – 128 348 تەڭگە،

12 بالاعا – 140 016 تەڭگە،

13 بالاعا – 151 684 تەڭگە،

14 بالاعا – 163 تەڭگە 352 تەڭگە،

15 بالاعا – 175 020 تەڭگە،

16 بالاعا – 186 688 تەڭگە.

ەسكە سالا كەتەيىك، كوپبالالى وتباسىلارعا ولاردىڭ كىرىستەرىن ەسەپكە الماي بەرىلەتىن جاڭا مەملەكەتتىك جاردەماقى قازاقستاندا 2020 جىلدىڭ 1 قاڭتارىنان باستاپ اتاۋلى الەۋمەتتىك كومەك كورسەتۋدىڭ جاڭا تەتىكتەرىندە كوزدەلگەن تابىسى از جانە كوپبالالى وتباسىلاردى قولداۋدىڭ ءۇش نەگىزگى باعىتى شەڭبەرىندە ەنگىزىلگەن بولاتىن.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار