توتەنشە جاعدايلار قىزمەتى ءبىر كۇن بۇرىن قولايسىز اۋا رايى بولۋى مۇمكىن ەكەنىن ەسكەرتكەن. حابارلامادا نايزاعاي سوعىپ, جەل ەكپىنى كۇشەيەدى دەپ بولجانعانى ايتىلعان. بۇرشاق جاۋعانى تۋرالى جازبالار الەۋمەتتىك جەلىلەردە تارالدى. كۋاگەرلەردىڭ ايتۋىنشا, بۇرشاق وتىرعىزىلعان كوشەتتى ءبۇلدىرىپ, ادامدار زارداپ شەككەن.
«كرۋگلووزەرنوە اۋىلىندا كەشكى ساعات سەگىزدەر شاماسىندا كوپ مولشەردە بۇرشاق جاۋدى. ورالدا بولعان جوق. بۇرشاق كۇتپەگەن ۋاقىتتا باستالىپ, جەرگىلىكتى تۇرعىنداردى شوشىتتى. ادامدار جاراقات الىپ جاتىر» دەپ جازدى الەۋمەتتىك جەلىدە.
«زاچاگانسك اۋىلىندا بۇرشاق جاۋدى. ەكىنشى جىل قاتارىنان بۇرشاق جىلىجايدى ءبۇلدىرىپ جاتىر», دەدى قالا تۇرعىندارىنىڭ ءبىرى.
