ايماقتار • 21 مامىر، 2021

جول اپاتىنان ءومىرى قيىلعان بالالاردىڭ سانى ارتىپ بارادى

329 رەت كورسەتىلدى

بيىلعى 4 ايدا قازاقستاندا 3 677 جول اپاتى تىركەلىپ، ودان 5 431 ادام زارداپ شەكتى. جول كولىك وقيعالارىنىڭ (جكو) ءوسۋى 10،3%-دى قۇراپ، زارداپ شەككەندەردىڭ سانى 12،7%-عا وسكەن.

ءتۇرلى جكو سالدارىنان 4 973 ادام جاراقات الدى (13،4% - عا ءوستى) جانە 458 ادام وپات بولدى (5،3% - عا ءوستى).

جولداردا كامەلەتكە تول­ماعاندار ءولىمىنىڭ ءوسۋى ەرەكشە نازار اۋدارۋعا تۇرارلىق، ولاردىڭ سانى 699-دان 856-عا دەيىن ارتتى جانە زارداپ شەك­كەندەردىڭ جالپى سانىنىڭ 15،8%-ىن قۇرايدى. بۇل رەتتە، كامەلەتكە تولماعانداردىڭ قاتىسۋىمەن ورىن العان جول اپاتتارى سەبەپتەرىنىڭ ءبىرى – ەرە­سەكتەر بالالاردىڭ جولدا جۇ­رۋىنە نەمقۇرايلى قارايدى. سو­نىمەن قاتار 12 جاسقا دەيىنگى بالالاردى ارنايى ۇستاۋ قۇ­رىلعىسى نەمەسە بالانى قا­ۋىپسىزدىك بەلدىگىنىڭ كومەگىمەن وتىر­عىزىپ قويۋعا مۇمكىندىك بەرەتىن ارنايى ۇستاۋ قۇرىلعىسى بولماعان كەزدە، تاسىمالداۋعا تىيىم سالۋدى كوزدەيتىن جول ءجۇرىسى قاعيدالارىنىڭ تالاپتارىن ساقتامايدى.

جاسالعان ورنى بويىنشا جول اپاتتارىنىڭ نەگىزگى بولىگىنىڭ 74%-ى، ياعني 2 724-ءى ەلدى مەكەن­دەردە، 635-ءى حالىقارالىق، رەس­پۋبليكالىق ماڭىزى بار تراس­سالاردا، 318-ءى وبلىستىق، اۋداندىق ماڭىزى بار جولداردا تىر­كەلدى. كوبىنەسە جكو كولىك قۇ­رالدارىنىڭ سوقتىعىسۋىنان – 1515، سونداي-اق جاياۋ جۇر­گىنشىلەردى قاعىپ كەتۋىنەن 1377 فاكت ورىن الدى.

زەرتتەۋ ناتيجەلەرىنە سايكەس جكو-نىڭ 96%-ى جۇر­گىزۋ­شىلەر­دىڭ كىناسىنەن (3566 فاكت)، ونىڭ ىشىندە 109 الكوگولدىك نەمەسە ەسىرتكىلىك ماس كۇيدە بولعان. ەڭ كوپ ءولىم جاعدايى بۇيىردەن سوقتىعىسۋ سالدارىنان جاسالعان (وپات بولعانداردىڭ جالپى سانىنىڭ 47%-ى). ەكىنشى ورىندا – جاياۋ جۇرگىنشىنى قاعىپ كەتۋمەن بايلانىستى جول-كولىك وقيعالارى (قازا بولعانداردىڭ جالپى سانىنىڭ 29%-ى) بولىپ تابىلادى. بەلگىلەنگەن جىلدامدىقتىڭ ارتۋىنان 969 جكو ورىن العان، وندا 157 ادام قازا تاپقان.

بۇرىنعىداي جولدارداعى اپاتتاردىڭ ەڭ كوپ سانى الماتى قالاسىنا تيەسىلى – 985 جاعداي، ال ەڭ جوعارى ءولىم كورسەتكىشى الماتى وبلىسىندا انىقتالدى – 110 ادام قازا تاپقان. ەلور­دادا 162 جكو، شىمكەنت قالا­سىندا 102 جكو تىركەلگەن.

اپاتتاردىڭ ەڭ از سانى سول­تۇستىك قازاقستان – 48 جانە ماڭعىستاۋ – 69 وبلىستارىندا تيەسىلى.

كەيبىر جاعدايلاردا جول بەلگىلەرىمەن جانە جىلدامدىق ول­شەگىشتەرىمەن رەتتەلمەگەن جولدار، سونداي-اق جاياۋ جۇر­گىنشىلەر قوزعالىسىنىڭ باقى­لاۋسىزدىعى اپاتتاردىڭ سەبەپ­تەرى بولۋدا.

سونداي-اق جۇر­گىزۋشىلەردىڭ ابايسىزدىعى مەن جول قوزعالىسى ەرەجەلەرىن بۇ­زۋى – باستى سەبەپ. اتالعان فاك­تىلەر بويىنشا ىشكى ىستەر ورگاندارى مەن وبلىس اكىمدىكتەرى اقپاراتتاندىرىلىپ وتىر.

ەلىمىزدىڭ جولدارى مەن كو­شەلەرىندەگى جول اپاتتارى تۋرالى تولىق اقپاراتتى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ «qamqor.gov.kz» سايتىنىڭ «اق­پاراتتىق سەرۆيس» بولىمىندە كورۋگە بولادى.

 

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار