قازاقى جولمەن قامقورلىق جاساساق

وتكەن قىس مالدى اۋىلعا وتە اۋىر بولدى. ساقىلداعان سارى اياز بەن اق تۇتەك بوران كەزەك ال­ماسىپ, ەلدىڭ ەسىن شىعاردى. اسىعا كۇتكەن كوكتەم باسىنىڭ ءوزى جايسىز تيگەنى ءمالىم. الماتى وبلىسىنىڭ قى­زىلاعاش اۋىلىن­داعى, ودان كەيىن شىعىستىڭ تارباعاتاي وڭىرىندەگى تابيعات اپاتى سالدارى الىستاعى ءبىزدىڭ دە جانىمىزعا قاتتى باتتى. ءتورت ت ۇلىك قازاقتىڭ ەجەلدەن كۇن­كورىس كوزى. مالدىڭ توسىن شى­عىنى قاشاندا زور زارداپ بولعان. باۋىرلارىمىز  باسىنا تۇسكەن اۋىرتپالىقتى وسىنداي شاقتا بىرگە كوتەرمەسەك  اعايىن­دى­عىمىز قاي­سى. تاۋبە, بۇعان دەيىنگى جىلدارعا قاراعاندا ءبۇ­گىنگى  جاعدايىمىز ءشۇ­كىرشىلىك. قازاقى تازا نيەت-پەيىل تانى­تىلاتىن كەز-اق قوي قازىر. راس, ۇكىمەت سۋ تاسقىنىنان زار­داپ شەككەندەرگە بارىنشا كومەك جاساپ جاتىر. ازىق-ت ۇلىك, كيىم-كەشەك, قۇرىلىس ماتەريال­دارى جاعىنان كەمشىن جوق سياقتى. ال مال شىعىنى ورنىن تولتىرۋعا كەلگەندە قيىندىق بار ما دەپ وي­لايمىز.  اۋەلدە  ت ۇلىك ءتۇرىن ساتىپ الۋعا تومەنگى پايىز­بەن نەسيە بەرىلەتىندىگى ايتىلدى. بۇدان سوڭ ساقتاندىرىلعان مال­دىڭ عانا قۇنى وتەلەدى دەلىندى. ءوز ءومىرىن ساق­تاندىرۋعا سامار­قاۋ قارايتىن قازاق قوراداعى مالىن ساقتان­دىرۋشى ما ەدى. وسى ورايدا ايتپاق ويىمنىڭ  ءتۇيىنى مىناداي.ۇكىمەت ءوز تارا­پىنان جاردەمىن جاساي بەرسىن. ال ءبىز قيىندىققا تاپ بولعان اعا­يىندارىمىز الدىنا  بابالار ۇلگى­سىمەن مال سالىپ بەرگەندى ءجون كورەمىز. ماسەلەن, يەلىگىندە 100 جىلقىسى نەمەسە 100 سيىرى بار شارۋا قوجالىعى تيىسىنشە 1 بايتال, 1 قۇناجىن, 300 قويلى فەرمەر 10 تۇساق ۇسىنسا دەيمىز.  ءوزىم تارباعاتاي اۋدانىنداعى جانتىكەي اۋىلى تۇرعىندارى قولىنا 20 تۇساق تاپسىرۋعا ويىم بار. قار­قا­رالىلىق قايدار بۋ­راباەۆ, رازاق ءالين, تۇرار احمەت­شين, باعدات شاحمەردەنوۆ­تەي ءاردايىم جۇرتقا جاناشىر اعالارىم  مەنىڭ وسى ۇسىنىسىم­دى قولداپ وتىر. “كوپ تۇكىرسە كول” دەگەن حالقىمىز. مۇنداي قامقورلىقتى جاپپاي كوتەرىپ اكەتسەك, باۋىرلارىمىزدىڭ جاعدايى تەز وڭالارى تالاسسىز. اسپانديار سەيسەن ۇلى, “ارقا تاڭى” شارۋا قوجالىعىنىڭ جەتەكشىسى. قاراعاندى وبلىسى, اباي اۋدانى, اقباستاۋ اۋىلى.