رۋحانيات • 20 مامىر، 2021

الماتىدا ولجاس سۇلەيمەنوۆتىڭ مەرەكەلىك كەشى ءوتتى

38 رەت كورسەتىلدى

اقىن، جازۋشى، قوعام جانە ساياسي قايراتكەر، قازاق كسر-ءى حالىق جازۋشىسى ولجاس سۇلەيمەنوۆتىڭ 85 جىلدىق مەرەيتويى بۇل كۇندەرى الماتىدا جالعاسىن تاۋىپ وتىر، دەپ حابارلايدى Egemen.kz.

اباي اتىنداعى قازاق ۇلتتىق اكادەميالىق وپەرا جانە بالەت تەاترىنىڭ ساحناسىندا «قازاقستان كامەراتاسى» مەملەكەتتىك كلاسسيكالىق مۋزىكا ءانسامبلىنىڭ جانە «قۇرمانعازى» وركەسترىنىڭ قاتىسۋىمەن، وپەرا گرۋپپاسىنىڭ جانە تەاتردىڭ سيمفونيالىق وركەسترىنىڭ جەتەكشى سوليستەرىنىڭ مەرەكەلىك كونتسەرتى ءوتتى. تەاتر ساحناسىنان ولجاس سۇلەيمەنوۆتىڭ ولەڭدەرىنە بىرقاتار ۆوكالدىق شىعارمالار ورىندالدى.

قازاق ۇلتتىق تەاترىنىڭ باي رەپەرتۋارىندا زاۋىربەك رايباەۆتىڭ قويىلىمىنداعى تيمۋر مىڭباەۆتىڭ مۋزىكاسىنا قويىلعان «فرەسكي» بالەت سپەكتاكلى بار. ليبرەتتوسى ءبىزدىڭ زامانىمىزعا دەيىن اڭىزدار مەن داستاندار تۇرىندە جەتكەن الىس تاريحي وقيعالار تۋرالى پوەتيكالىق باياندالاتىن ولجاس سۇلەيمەنوۆتىڭ «قىش كىتاپ» اتتى ايتۋلى شىعارماسىنىڭ نەگىزىندە جازىلعان. بالەتمەيستەردىڭ ءوزى جازعان ليبرەتتودا IV-VI عاسىرلاردا قازاقستان تەرريتورياسىن مەكەندەگەن ەجەلگى سكيفتەردىڭ تاريحى، ءومىرى، تۇرمىسى كورسەتىلگەن.

ولجاس سۇلەيمەنوۆتىڭ شىعارماشىلىعى شەكسىز. ەرەن ەڭبەگىنىڭ ارقاسىندا جازۋشىنىڭ شىعارمالارى عالامعا تانىلدى، اقىننىڭ ستسەناريلەرى بويىنشا «زەمليا وتتسوۆ»، «سيني مارشرۋت»، «زيما نە پولەۆوي سەزون»، «پريميتە اداما»، «پوسلەدني پەرەحود» كوركەم فيلمدەرى جارىق كورىپ، قازاق كينەماتوگرافياسى بۇكىل الەمگە تانىمال بولدى.

اقىننىڭ شىعارماشىلىعى «ەكى الەمنىڭ شەكاراسىن» – ەۋروپا مەن ازيانى ۇشتاستىرادى. ولجاس سۇلەيمەنوۆتىڭ تۆورچەستۆوسى – تاريح پەن مادەنيەتتىڭ تاڭعاجايىپ تىلدىك بايلىعىمەن ۇيلەسۋى، ونىڭ پايىمداۋلارىندا ۇلتتىق ادەبيەت پەن مادەنيەتتىڭ تاعدىرى، قازاقستاننىڭ الەمدەگى ورنى، ساياسات پەن لينگۆيستيكا، ءتىلدىڭ، ادەبيەتتىڭ جانە قوعامنىڭ دامۋى تۋرالى وي جۇگىرتۋ سياقتى كەڭ اۋقىمدى ماسەلەلەر قوزعالادى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار