ورمان شارۋاشىلىعى جانە جانۋارلار الەمى كوميتەتى رۇقسات بەرگەن فوتوتۇسىرىلىمگە قاتىستى پىكىردە حالىقتىڭ ازاماتتىق پوزيتسياسىنىڭ ارتىپ, قورشاعان ورتاداعى جاعدايلارعا بەيجاي قارامايتىن ازاماتتاردىڭ كوپتىگى ءسوز بولدى.
«وسپان ءالىنىڭ كيىكتى قورعايمىن دەپ قۇربان بولعان ەرلان نۇرعاليەۆتىڭ قۇرالايمەن تۇسكەن ايگىلى فوتوسىنىڭ اۆتورى ەكەنىن بىلەسىزدەر. تۋىندى كيىكتەردى قورعاۋدىڭ سيمۆولىنا اينالىپ كەتتى دەسە دە بولادى.
ال سوڭعى تۇسىرگەن سۋرەتتەرىنىڭ ماقساتى - سۇلۋ تابيعاتىمىزدى كورسەتىپ, ناسيحاتتاۋ, ادامداردىڭ سۇلۋ جانۋارعا ماحابباتىن وياتۋ ارقىلى قورعاۋعا اتسالىسۋعا يتەرمەلەۋ ەدى», دەيدى سامال يبراەۆا.
سونداي-اق جاي عانا قىزىعۋشىلىق تانىتىپ, قۇرالايمەن سۋرەتكە تۇسە بەرۋگە بولمايتىنىن جەتكىزدى.
«تولدەۋ ۋاقىتىنىڭ ماڭىزدىلىعىن ەسكەرە وتىرىپ, مەن سالاعا جانى اشيتىن, بەيجاي قارامايتىن ادام رەتىندە تولدەۋ ماۋسىمىندا ۆيدەو-فوتوتۇسىرىلىمدەرگە مۇلدەم تىيىم سالاتىن ارنايى قۇجات ازىرلەۋگە باسشىلىلققا ءوتىنىش بەرۋگە شەشىم قابىلدادىم. سەبەبى, ءدال قازىرگى ۋاقىتتا ونداي ناقتى رەگلامەنت جوق ەكەن. بۇل شارانى ورمان شارۋاشىلىعى جانە جانۋارلار الەمى كوميتەتىمەن تالقىلايتىن بولامىز», دەدى ول.
ايتا كەتەيىك, وسى اپتادا الەۋمەتتىك جەلىدە قۇرالايمەن فوتوعا تۇسكەن ينتەرنەت قولدانۋشىلارى قالىڭ جۇرتشىلىقتىڭ سىنىنا قالعان بولاتىن.
