«اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆا جيىندى اشىپ, كوميتەتتىڭ 2020 جىلى اتقارعان جۇمىس ەسەبىن تانىستىردى. «وتكەن جىل تۋريزم سالاسىنا اۋىر ءتيدى. تۋريزم سالاسىنىڭ ەلدىڭ جالپى ىشكى ونىمىنە سالىمى ايتارلىقتاي تومەندەدى, سەبەبى تۋريستىك كاسىپورىنداردىڭ كىرىسى ازايىپ, سۋبەكتىلەردىڭ سانى دا قىسقاردى. كاسىپكەرلىك قىزمەتتىڭ كوپ تۇرىنە تىيىم سالىندى. تۋريستىك نارىق جانە دەنساۋلىق ساقتاۋ مينيسترلىگىمەن بىرگە ءبىز قوناقۇيلەر, شيپاجايلارعا كارانتيننەن شىعۋ الگوريتمدەرىن دايىنداپ, قىزىل ايماقتا قالعان وڭىرلەردە 15 ادامعا دەيىن ەكسكۋرسيالار ۇيىمداستىرۋعا, تۋريستىك نىساندار ءۇشىن جاعاجايلار جۇمىسىن جانداندىرۋعا مۇمكىندىك الدىق. بيزنەس ءىس-شارالارى مەن بالالار لاگەرلەرىنە ارنالعان الگوريتمدەر دە ناقتىلاندى. بارلىق سانيتارلىق تالاپتاردى ەسكەرە وتىرىپ, ءبىز لاگەرلەردى جاقىن ارادا اشامىز دەپ ۇمىتتەنەمىز», دەدى يۋ.ياكۋپباەۆا.
سونىمەن قاتار سپيكەر كوشپەلى تۋريزم سالاسىندا اتقارىلعان جۇمىستار, «اتامەكەن», Kazakh Tourism, مادەنيەت جانە سپورت مينيسترلىگى اراسىنداعى ىشكى تۋريستىك ءونىمدى دامىتۋ بويىنشا ۇشجاقتى جول كارتاسى جايىندا مالىمدەدى.
جول كارتاسىن ىسكە اسىرۋدا «جاندى ساباقتار» جوباسى ماڭىزدى باستاما بولماق, بيىل جوبا ەل اۋقىمىندا تاراتىلىپ, جاڭا وقۋ پاندەرىن قامتيدى دەپ جوسپارلانعان. يۋليا ياكۋپباەۆانىڭ ايتۋىنشا, بىرقاتار جەكە مەكتەپ جوباعا قاتىسۋعا ىنتا تانىتىپ وتىر.
ءوز كەزەگىندە مادەنيەت جانە سپورت ۆيتسە-ءمينيسترى عابيدۋللا ءابدىراحىموۆ «اتامەكەننىڭ» ۇكىمەتتەگى بيزنەس مۇددەلەرىن ۇسىنۋداعى ءتيىمدى جۇمىسىن اتاپ ءوتىپ, مينيسترلىك ۇسىنعان كەيبىر جاڭاشىلدىقتار تۋرالى ايتتى.
– تۋريستىك ماۋسىم باستالار الدىندا ءبىز تۋريستىك قوعامداستىقپەن ستاندارتتاۋ جانە قىزمەت ساپاسىن ارتتىرۋعا بايلانىستى تۋريستىك قىزمەتتەردى ۇسىنۋ ەرەجەلەرىنە ەنگىزىلگەن وزگەرتۋلەر جوباسىن تالقىلاعىمىز كەلەدى. بۇدان بولەك, ءبىز Kazakh Tourism قاۋىمداستىعىمەن ءموبيلدى قوسىمشا ازىرلەپ جاتىرمىز, وندا سۋبەكتىلەر ءتىزىلىمى جاريالانادى, مىسالعا تۋريستەردەن كەرى بايلانىس الۋ مۇمكىندىگى مەن گيدتەر تۋرالى اقپارات جاريالانادى. سونىمەن قاتار مامىر ايىنىڭ سوڭىندا تۇركىستاندا ەپيداحۋال تۇراقتالسا, تۋريستىك فورۋم وتكىزۋدى جوسپارلاپ وتىرمىز. سونداي-اق TicketOn سەرۆيسى ۇلگىسىندە ءىرى مۋزەيلەرگە بيلەت قۇنىن ونلاين-تولەۋدى ەنگىزۋدى جوسپارلادىق. E-Qonaq جۇيەسىن ەنگىزۋدى تەزدەتۋ دە ماڭىزدى بولىپ تۇر.
جيىندا كوميتەت مۇشەلەرىنە تۋربيزنەس سۋبەكتىلەرى مەن قاۋىمداستىقتاردان بىرقاتار ۇسىنىس جاسالدى. Complete Service تۋريستىك كومپانياسىنىڭ ديرەكتورى ابىلحان سارسەنباەۆ دەمالىس ورىندارىنا كەلۋشىلەر سانىن ارتتىرۋدى قامتاماسىز ەتۋ ءۇشىن شيپاجايلار مەن تۋروپەراتورلاردىڭ ءوزارا ارەكەتتەسۋىنىڭ ماڭىزىن اتاپ ءوتتى.
قازاقستان تۋروپەراتورلار قاۋىمداستىعىنىڭ پرەزيدەنتى يننا رەي قازىر مەملەكەتتىك ورگاندارعا كوشپەلى جانە كىرمەلىك ءتۋريزمىنىڭ ماسەلەلەرىن شەشۋ قاجەت ەكەنىن اتاپ ءوتتى.
– قيىن كەزەڭدە ءبىز جۇمىلا جۇمىس ىستەي الاتىنىمىزدى كورسەتتىك. بۇگىندە الەم ەلدەرىنىڭ ەكونوميكاسى قول رەجىمىندە جۇمىس ىستەپ جاتىر, تۋريزم سالاسىندا قازىر تۋريستەرگە العاشقىلاردىڭ ءبىرى بولىپ اشىلعان ەلدەر ۇتىپ جاتىر, ونداي ەلدەر قاتارىندا چەرنوگوريا جانە مالديۆ ارالدارى بار. سوندىقتان, بىزگە سىرتتان كەلەتىن تۋريستەرگە, ەڭ بولماعاندا ۇيىمداستىرۋشى توپتارعا ۆيزاسىز رەجىمدى اشۋ كەرەك.
يۋليا ياكۋپباەۆا ۋاكىلەتتى ورگان جانە بيزنەسپەن بىرلەسىپ, سىرتتان كەلەتىن تۋريستەر ءۇشىن شەكارانى اشىپ, ۆاك قاراۋىنا شىعارۋعا مۇمكىندىك بەرەتىن مەحانيزم ازىرلەۋدى ۇسىندى. «تۋريستىك قوعامداستىققا 2020 جىلى ۇيىمداستىرىلعان جۇمىسى ءۇشىن العىس ايتامىن, اتقارىلعان جۇمىس ناتيجەسى ىشكى ءتۋريزمنىڭ الەۋەتى زور جانە وعان حالىق تاراپىنان ۇلكەن قىزىعۋشىلىق بارىن كورسەتتى. وسى جىلى دا بىرلەسىپ, ءتيىمدى جۇمىس ىستەۋلەرىڭىزدى سۇرايمىن, سوندا ناتيجەلەر ودان دا كوپ بولادى», دەدى يۋ. ياكۋپباەۆا.
